Lagani 1914 Ita Herevalaia Ena Badina

Baibel ese ita ia hagoadaia ‘ita noho hegaegae,’ ita abia dae herevadia dainai idia henanadai taudia ita ‘haere henia totona, to mai manau bona hemataurai bada ida unai ita karaia.’ (1 Pet. 3:15) Nega haida, Baibel ena hereva momokani dobudia haida, hegeregere: “Edena bamona ita diba Basileia be lagani 1914 ai ia lohia matamaia?” ita herevalaia be auka. Eda orea be Gima Kohorona ena atikol ladana, “Dekena Tauna ida Herevahereva​—Dirava Ena Basileia be Edena Negai Ia Lohia Matamaia?” ia hegaegaelaia, ita ia durua totona. Unai kahana be October bona November ena haroro ai do ita gaukaralaia. Unai atikol oi stadilaia neganai, namona be pablisa ladana Cameron ena kara oi laloa, bona henunai henanadai oi haerelaia.

Edena dala ai Cameron ese . . .

• hanamoa herevadia ia gaukaralaia, unai amo kamonai tauna ese ia laloa bada gauna ia herevalaia?​—Kara 17:22.

• ia abia dae herevadia be mai manau ida ia herevalaia?​—Kara 14:15.

Dahaka dainai Cameron ese . . .

• guna ia herevalaia gaudia ia gwauraia lou, bena point matamatadia ma haida ia herevalaia be dala namona?

• nega ta ta ai ena hereva ia hadokoa bena ruma tauna ia nanadaia point ia lalopararalaia eiava?

• gau momo be nega tamona ia herevalaia lasi?​—Ioa. 16:12.

Ita moale badina eda Hadibaia Tauna Badana, Iehova ese ita ia hadibaia Baibel ena hereva momokani dobudia be idia hitolo taudia dekenai ita gwauraia hedinarai namonamo totona!​—Isa. 30:20.