Iehova Dekenai Do Oi Abidadama Bona Kara Namo Do Oi Karaia

“Kara kerere taudia dainai do umui mama lasi”

37:1, 2

• Namo lasi kara dika taudia ese nega sisina idia abia moalena oi laloa dainai Iehova hesiai henia karana oi rakatania. Namona be oi abia hahenamo bona emu tahua gaudia oi laloa

“[Iehova] dekenai do oi abidadama, bona kara namo do oi karaia”

37:3

• Lalohekwarahi negadia ai, oi abia dae Iehova ese oi do ia durua. Bona emu abidadama do ia hagoadaia

• Dirava ena Basileia ena sivarai namona oi harorolaia noho

“Oiemu moale be Lohiabada dekena amo do oi tahua”

37:4

• Nega oi atoa Baibel oi duahia bona laloa dobu totona, bona Iehova dibaia karana be emu tahua gauna ai oi halaoa

“Oiemu mauri be Lohiabada ena imana dekenai do oi atoa”

37:5, 6

• Oi abia dae momokani Iehova ese oi do ia durua hekwakwanai oi hanaia totona

• Oi idia dagedage henia o gwauraia dika neganai, kara namo oi hahedinaraia noho

“Lohiabada ena vairanai do oi laga-ani. . . . Oi naria ela bona ia ese oi do ia durua”

37:7-9

• Iseda moale karana bona noho namona idia hadikaia diba karadia ita dadaraia

“Manau taudia ese noho gabuna tano do idia abia”

37:10, 11

• Manau karana ita hahedinaraia bona Iehova ita naria, ia ese kahirakahira kara gageva ibounai do ia haorea

• Iseda tadikaka taihu ita durua, bona Dirava ena tanobada matamata ena gwauhamata amo lalometau taudia ita durua