Lota Ena Adavana Laloatao

Lota ena adavana be Sodoma hanuana amo ia heau mauri neganai, dahaka dainai ena vairana ia giroa? Baibel be ena badina ia gwauraia lasi. (Gen. 19:17, 26) Iesu ena sisiba herevana amo ia hedinarai, reana Lota ena adavana be ia rakatania kohu ia laloa bada. (Luka 17:31, 32) Lota ena adavana bamona, edena dala ai Dirava ena lalonamo ita haboioa diba? Namo lasi iseda mauri ai, kohu momo tahua karana ita atoa guna. (Mat. 6:33) Iesu ese ita ia hadibaia, “Dirava bona Taga edia hesiai gaukara [ita] karaia diba lasi.” (Mat. 6:24) To, bema ita itaia, kohu momo tahua karana ese iseda tomadiho karana ia hadikaia, dahaka ita karaia be namo? Namona be Iehova dekenai ita guriguri unai amo aonega ia henia iseda mauri ai gau haida ita haidaua totona bona boga-auka bona goada do ia henia unai ita karaia totona.

LOTA ENA ADAVANA LALOATAO VIDIO MAI ENA KAHANA TOI OI LALOA LOU BONA HENANADAI HAERELAIA:

• 

  Gloria be moni momo tahua karana ia laloa bada dainai, edena dala ai unai ese ena hereva, kara bona laloa dalana ia haidaua?

• Lota adavana ena haheitalai dikana amo, hari dahaka ita dibaia?

• Joe bona ena famili ese Baibel idia badinaia bona edena dala ai unai ese idia ia durua?

• Anna be ena gaukara turadia ia bamoa dainai, unai ese edena dala ai ena tomodiho karana ia hadikaia?

• Bema haida ese ita idia doria moni ita laloa bada totona, dahaka dainai ita boga-auka be namo?

• Edena dala ai Brian bona Gloria be Dirava tomadiho henia karadia idia goadalaia lou?

• Inai vidio oi itaia neganai, edena Baibel ena hakaua herevadia oi laloa?