Dokona Ia Kahirakahira Lalonai Oi Gini Goada

DAHAKA DAINAI MAI ANINA BADA: Kahirakahira do idia vara gaudia ese iseda abidadama bona goada Iehova dekenai do ia tohoa. Tomadiho koikoi ibounai idia hadikaia neganai hisihisi badana do ia hamatamaia. (Mt 24:21; Apo 17:16, 17) Unai negai, ita ese hahemaoro sivaraina do ita harorolaia. (Apo 16:21) Magoga tauna Goga ese ita do ia tuari henia. (Ese 38:10-12, 14-16) Unai negai, Iehova ese ena taunimanima ia gimaia totona “Siahu Ibounai Diravana ena dina badana ena tuari” do ia hamatamaia. (Apo 16:14, 16) Bema hari inai negai iseda abidadama idia tohoa gaudia ita hanaia bona ita gini goada, mai gari lasi ida vaira negana ai do idia vara hahetoho ita hanaia diba.

KARAIA DALANA:

• Mai goada ida Iehova ena kara maoromaoro taravatudia ita badinaia.​—Is 5:20

• Keristani tadikaka bona taihu ida Iehova ita tomadiho henia.​—He 10:24, 25

• Hanaihanai Iehova ena orea amo idia mai hakaua hereva ita badinaia.​—He 13:17

• Iehova ese idaunegai ena taunimanima ia hamauria dalana oi laloa dobu.​—2Pe 2:9

• Iehova oi guriguri henia, bona ia oi abidadama henia.​—Sa 112:7, 8

VIDIO LADANA, ITA GOADA BADINA VAIRA NEGAI DO IDIA VARA GAUDIA​—ENA KAHANA TA ITAIA, BENA INAI HENANADAI HAERELAIA:

• 

  Kongrigeisen ta be kongrigeisen ma haida ida idia hatamonaia neganai, edena dala ai unai ese pablisa edia kamonai karana ia tohoa?

• 

  Edena dala ai kamonai karana ese ita ia durua ita gini goada totona?

• 

  Aramagedono ia mai neganai, dahaka dainai goada karana be mai anina bada?

• 

  Edena Baibel sivarai ese ita ia durua diba Iehova ena hamauria siahuna ita abidadama henia totona?​—2Si 20:1-24