Painia Gaukara amo Iehova Hanamoa

Israela taudia be badina momo dainai Iehova idia hanamoa be namo. Badina Ia ese Aigupito amo ia hakaudia siri bona Farao ena tuari oreana amo idia ia hamauria! (Eso 15:1, 2) Iehova be ena taunimanima totona gau namodia momo ia karaia noho. Edena dala ai iseda tanikiu karana ita hahedinaraia diba?​—Sa 116:12.

Dala ta be heduru eiava regula painia ita karaia diba. Dirava oi noia diba oi dekenai goada bona painia gaukara karaia urana ia henia totona. (Fp 2:13) Momo be heduru painia amo idia hamatamaia. Bema oi ura March bona April eiava sekit naria tauna ia vadivadi neganai oi heduru painia, emu goada hegeregerena hora 30 eiava 50 oi karaia diba. Heduru painia ena moale oi mamia neganai, reana do oi ura oi gaukara goada regula painia gaukara oi karaia totona. Herevana haida be ful-taim moni gaukara idia karaia eiava mai edia gorere, to regula painia gaukara idia karaia diba. (mwb16.07 8) Oibe, mai iseda goada ibounai ida Iehova ita hanamoa be namo!​—1Si 16:25.

VIDIO LADANA MONGOLIA AI SISTA TOI ITAIA, BENA INAI HENANADAI HAERELAIA:

• 

  Sista toi be dahaka hekwakwanai idia hanaia painia gaukara idia karaia totona?

• 

  Dahaka hahenamo idia davaria?

• 

  Regula painia idia karaia neganai, edena dala matamatadia ia kehoa Iehova idia hesiai henia totona?

• 

  Edena dala ai edia haheitalai ese ma haida ia durua?