Haroro Hebou Hakaua Daladia Haida

Haroro gaukara ena hebou be kongrigeisen heboudia bamona, unai be Iehova ena hakaua dalana, ita hagoadaia heheni, ita lalokau heheni bona kara namodia ita karaia totona. (He 10:24, 25) Haroro hebou be miniti 5 ia lao 7 lalonai do oi karaia, unai miniti lalodiai grup oi haria, teritori oi abia hidi, bona guriguri oi gwauraia. (Bema kongrigeisen heboudia murinai oi karaia, vadaeni hebou oi hakwadogia be namo.) Haroro naria tauna ese haroro gaukara ai do idia gaukaralaia haroro herevana ta ia hegaegaelaia be namo. Hegeregere, Saturday ai bema wiken gunana ai momo idia haroro lasi, haroro naria tauna be pablisa ese ruma tauna dekenai do idia herevalaia haroro herevana ia gwauraia lou diba. Edena topik ma haida be haroro gaukara lalonai ita gaukaralaia diba?

• Iseda Haroro Bona Mauri Dalana​—Hebou Pepana ai idia noho haroro herevadia

• Emu gabu ai ia vara gauna eiava nius ai oi kamonai gauna amo haroro herevana oi hamatamaia dalana

• Koua herevana ta hanaia dalana oi hahedinaraia

• Dirava be lasi lalohadaina eiava evolusen ia abia dae tauna, idau gado tauna eiava emu teritori ai momo idia diba lasi tomadiho tauna oi hereva henia dalana

• Iseda jw.org websait ai idia noho kahana haida, JW Library^® app, eiava Baibel gaukaralaia dalana

• Hadibaia Gaukara Ena Tulu Idauidau ai idia noho pablikeisen ta gaukaralaia dalana

• Haroro daladia idauidau hegeregere telefon, revareva torea, pablik gabudiai haroro, lou henia, o Baibel stadi karaia dalana

• Seifti, haroro daladia haidaua, kara namodia, lalohadai maorona, o unai bamona gaudia ena hadibaia herevadia

• Duahiduahi Bona Hadibaia Karana Oi Hanamoa ena buklet ena leseni eiava vidio amo ita dibaia gaudia

• Haroro gaukara ai oi ia bamoa tauna oi durua bona hagoadaia dalana

• Haroro gaukara ia herevalaia Baibel siri ta eiava haroro gaukara goadalaia ena ekspiriens ta ia herevalaia