Mai Abidadama ida Moni ena Hekwakwanai Oi Haheaukalaia

Dina gabedia ai mauri lalonai hekwakwanai be momo. Inai nega dokona ita lao henia noho lalonai, hekwakwanai do idia bada idia lao. Nega haida gau haida dekenai do ita dabu. (Hab 3:16-18) Dahaka ese ita do ia durua mai abidadama ida moni ena hekwakwanai ita haheaukalaia totona? Namona be iseda Dirava, Iehova ita abidadama henia noho. Ia gwauhamata iena hesiai taudia do ia naria, bona dala idauidau ai iseda dabu gaudia do ia henia.​—Sal 37:18, 19; He 13:5, 6.

Oi karaia diba gaudia:

• Iehova oi noia oi ia gimaia, aonega bona heduru ia henia totona.​—Sal 62:8

• Mai ura ida reana guna oi karaia lasi gaukarana oi abia dae.​—g 1/10 8-9, maua itadia

• Namona be hanaihanai Dirava ena Hereva oi duahia, kongrigeisen heboudia oi lao, bona haroro gaukara oi karaia

VIDIO LADANA IA HAHEAUKA DIBA RUMA BESENA HAGINIA​—HARI “UMUI DEKENAI IDIA NOHO GAUDIA BE HEGEREGERE” ITAIA, BENA INAI HENANADAI HAERELAIA:

• Ruma bese haida be dahaka hekwakwanai idia davaria?

• Mauri lalonai dahaka be mai anina bada?

• Edena dala ai moni ena hekwakwanai idia davaria taudia ita durua diba?