Dina Ta Ta Ena Baibel Duahiduahi Karaia Dalana

Oi bisi dainai, nega haida ia auka Baibel duahiduahi ena sediual oi badinaia totona, a? (Ios. 1:8) Bema oibe, inai dala ta oi badinaia:

• Alam oi atoa. Fon dekenai alam oi atoa, unai ese oi do ia hadibaia Baibel duahiduahi oi karaia totona.

• Emu Baibel be oi itaia diba gabuna dekenai oi atoa. Bema oi be idia printaia Baibel oi gaukaralaia, oi itaia diba gabuna dekenai oi atoa.—Deu. 11:18.

• Idia rekodia Baibel duahiduahi oi kamonai. Dina ta ta ena gaukara oi karaia neganai, idia rekodia Baibel duahiduahi oi kamonai diba. Painia sina ta ladana Tara, ia be hanuaboi ai ia gaukara, ia gwau: “Ruma gaukara lau karaia neganai, idia rekodia Baibel duahiduahi lau kamonai karana ese lau ia durua Baibel duahiduahi lau reaia lasi totona.”

• Hesiku lasi. Bema gau haida dainai emu Baibel duahiduahi ena sediual oi badinaia lasi, namona be oi do mahuta lasi neganai, siri haida sibona oi duahia.—1 Pet. 2:2.