Tuari Dainai Aniani be Hegeregere Lasi

May 19, 2022 ai, United Nations Security Council ese dagi bada taudia 75 amo idia kamonai, COVID-19 pandemic, weda ia idau noho karana bona Ukraine tuarina dainai “gabu haida dekenai aniani be hegeregere lasi.” The Economist magasin ia gwau, “tuari ese gabu momo dekenai hitolo bada do ia havaraia.” Baibel ia peroveta iseda negai, aniani be do ia hegeregere lasi, to danu heduru herevadia ia henia unai ita haheaukalaia totona.

Baibel ese hitolo bada ia perovetalaia

•  Iesu ia peroveta: “Bese ta do ia toreisi bese ta do ia tuari henia, bona basileia ta ese basileia ta do ia tuari henia, bona gabu momo ai hitolo bada . . . do idia vara.”​—⁠Mataio 24:7

•  Baibel ai, Apokalupo bukana ese hosi idia guia tatau foa edia heau ia herevalaia. Unai hosi guia tauna ta ese tuari ia laulaulaia. Ia murinai ia heau hosi ma ta ese hitolo ia laulaulaia, unai nega ai aniani abia dalana do ia auka bona taunimanima ese aniani edia davana do idia habadaia. “Hosi koremana ta lau itaia, bona latanai ia helai tauna ena imana ai sikele ta ia noho. Gado ta lau kamonai . . . Ia gwau, ‘Witi kwat ta ena davana be dina ta ena gaukara davana! Bali kwat toi ena davana be denario ta ena davana danu.’”​—⁠Apokalupo 6:5, 6, Contemporary English Version.

Baibel ese ia gwauraia peroveta herevadia, taunimanima be aniani dekenai do idia dabu, be hari inai “dina gabedia” ai idia guguru noho. (2 Timoteo 3:1) “Dina gabedia” bona Apokalupo bukana ese ia herevalaia hosi guia tatau foa edia heau dalana oi diba totona, vidio ladana, Lagani 1914 amo Tanobada ai Gau Momo Idia Idau oi itaia. Bona atikol ladana, “Hosi Guia Taudia Foa​—⁠Idia be Daidia?” oi duahia.

Baibel ese ita ia durua diba dalana

•  Baibel ena sisiba namodia ese ita do ia durua hekwakwanai badadia ita haheaukalaia totona, hegeregere aniani ena davana ia bada karana bona hitolo bada. Haheitalai haida be inai atikol “How to Live on Less” ai, oi itaia diba.

•  Danu, Baibel ese ita dekenai helaro ia henia, gau ibounai do idia namo. Ia gwauhamata nega ta “tanobada ai aniani be do ia momo herea” bona ibounai totona aniani be do ia hegeregere momokani. (Salamo 72:16) Baibel ena helaro vaira nega totona bona unai oi abidadama henia ena badina oi diba totona, inai atikol “A Real Hope for a Better Tomorrow” oi duahia.