Left: Hurricane Ian, Florida, USA, September 2022 (Sean Rayford/Getty Images); center: Mother evacuating with her son, Donetsk, Ukraine, July 2022 (Alex Chan Tsz Yuk/SOPA Images/LightRocket via Getty Images); right: Mass COVID testing, Beijing, China, April 2022 (Kevin Frayer/Getty Images)
UMUI GIMA NOHO!
Lagani 2022: Lalohekwarahi Bona Daradara Bada Negana—Baibel be Dahaka Ia Gwau?
Lagani 2022 lalonai, tuari, moni ena hekwakwanai, bona disasta ena sivarai momo ita kamonai. Baibel sibona ese unai gaudia idia vara ena badina ia herevalaia hedinarai.
Lagani 2022 ai idia vara gaudia ena badina
Vanegai idia vara gaudia ese ia hamomokania ita be Baibel ese ia gwauraia “dina gabedia ai” ita noho. (2 Timoteo 3:1) Unai dina be lagani 1914 amo ia matamaia. Hari idia vara gaudia be Baibel ena peroveta herevadia ida idia hegeregere dalana oi itaia:
“Tuari.”—Mataio 24:6.
“Lagani 2022 ai Europe dekenai taunimanima ese tuari ena hisihisi idia mamia lou.”a
Inai atikol itaia, “Russia ese Ukraine Ia Tuari Henia.”
“Hitolo bada.”—Mataio 24:7.
“Lagani 2022 ai hitolo bada herea ia vara.”b
Inai atikol itaia, “Tuari Dainai Aniani be Hegeregere Lasi.”
“Gorere dikadia.”—Luka 21:11.
“Polio gorerena ia matamaia lou, mankipoks gorerena ia bada ia lao, bona COVID-19 gorerena ese dika bada ia havaraia noho. Unai ese hanaia gorerena ena dika ia hahedinaraia bona taunimanima be hegeregere lasi unai bamona gorere idia koua totona.”c
Inai atikol itaia, “Taunimanima 6 Milioni be COVID Dainai Idia Mase.”
“Toa badadia.”—Luka 21:11.
“Weda ia senisi karana, medu lasi, lahi ese uda bada ia hadikaia bona abata. Lagani 2022 ena siahu neganai be momo ese do idia laloaboio lasi. Badina disasta momo idia vara bona taunimanima handred tausen idia mase bona milioni momo be edia gabu idia rakatania.”d
Inai atikol itaia, “Tanobada Ibounai ai Dina Ena Siahu ia Bada Herea.”
“Heiriheiri edia sivarai [eiava, “gwau-edeede karana,” ftn.].”—Luka 21:9.
“Lagani 2022 ai, moni ena hekwakwanai dainai aniani edia davana idia bada daekau, unai ese sitisen taudia ia habadua, bona gavamani dekenai protests momo idia karaia.”e
Inai atikol itaia, “Gau Ibounai Edia Davana Ia Bada Noho.”
Lagani 2023 ai dahaka gaudia do idia vara?
Ita diba lasi dahaka gaudia be lagani 2023 ai do idia vara. Ita dibaia gauna be kahirakahira Dirava ena Basileia o guba gavamani ese tanobada ai senisi badadia do ia karaia. (Daniela 2:44) Unai gavamani ese taunimanima edia hisihisi ena badina korikorina do ia kokia bona tanobada ai Dirava ena ura do ia havaraia.—Mataio 6:9, 10.
Umui ai hagoadaia Iesu Keriso ena sisiba umui badinaia bona tanobada dekenai Baibel ena peroveta herevadia idia guguru noho dainai umui “gima noho.” (Mareko 13:37) Mani ai oi kontek henia, unai amo hari Baibel ese oi bona emu famili ia durua dalana, bona vaira nega ena helaro namona umui abia dalana umui dibaia totona.
a AP News, “2022 Was Year the Horror of War Returned to Europe,” by Jill Lawless, December 8, 2022.
b World Food Programme, “A Global Food Crises.”
c JAMA Health Forum, “Living in an Age of Pandemics—From COVID-19 to Monkeypox, Polio, and Disease X,” by Lawrence O. Gostin, JD, September 22, 2022.
d Earth.Org, “What’s Behind the Record-Breaking Extreme Weather Events of Summer 2022?” by Martina Igini, October 24, 2022.
e Carnegie Endowment for International Peace, “Economic Anger Dominated Global Protests in 2022,” by Thomas Carothers and Benjamin Feldman, December 8, 2022.