Futnout

a Kerisendom ena hahediba herevadia momo, ena tomadiho karadia, bona ena kara momo edia badina be Keristen lasi. Roman Katolik kadinal ta, John Henry Newman, be Essay on the Development of Christian Doctrine lalonai ia gwau: “Dubu idia gaukaralaidia, bona unai dubu be helaga taudia idauidau dekenai idia gwauhamata henidia, bona nega haida au rigidia amo idia hahairaidia; bonana namona muramurana amo, lamepa, bona kandolo amo; gorere ia namo lou murinai gau haida idia henia boubou gaudia bamona edia gwauhamata hamomokania totona; ranu helagana; taunimanima naridia gabudia; dina bona nega helagadia, kalenda idia gaukaralaia, taunimanima idia raka hebou, tano hahelagaia; pris taudia edia dabua, pris taudia ese edia huina idia kokia, headava taudia edia rini, Ist Kahana idia vaira henia, gabeai kaivakuku idia tomadiho henia, bona reana dubu taudia edia ane idaudia, bona ane ta Kyrie Eleison [ane ta “Lohiabada e, Oi Hebogahisi”], be tomadiho koikoi amo idia mai, bona Dubu ese unai kara ia abia dae dainai idia be helaga karadia ai idia halaodia.”