Futnout

e Xerxes I be ena lalohadai ia haidaua haraga diba, bona ia be badu dikadika tauna. Grik histori torea tauna Herodotus ese Xerxes be Gris ida ia tuari neganai, unai kara haida ia torea danu. King ese oda ia henia bouti be laini ta ai do idia haboua nese idia karaia totona, unai amo Hellespont davara idia hanaia diba. Lai badana ese unai nese ia hadikaia neganai, Xerxes ese oda ia henia nese ena ensinia taudia edia kwarana idia utua oho totona, bona ena hesiai taudia ia hamaoroa Hellespont “panisia” totona, hadikaia herevadia idia gwauraia neganai, ranu do idia botaia. Unai tuari negana ai danu, taga tauna ta be ena natuna totona ia noinoi ami lalonai ia vareai lasi neganai, Xerxes ese unai natuna ena tauanina be kahana rua ai ia utua bona taunimanima dekenai ia hahedinaraia, idia ia hagaria totona.