Futnout

a Donatist dubu be lagani 300 C.E. ela bona 499 C.E. lalonai ia noho “Keristani” oreana ta. Unai orea taudia idia gwau tomadiho karadia be mai edia siahu bema haroro tauna be kara goeva tauna bona dubu ese kara dika bada idia karaia taudia be edia orea lalonai ia abia dae lasi. Arius ena orea be “Keristani” oreana ta lagani 300 C.E. murinai bona idia gwau Iesu Keriso be Dirava lasi. Arius ese taunimanima ia hadibaia ia gwau ta ese Dirava ia havaraia lasi bona ia be matamana lasi. Natuna be Dirava ese ia havaraia dainai, ia be Dirava lasi, Tamana hegeregerena. Natuna be matamana amo Tamana ida ia noho hanaihanai lasi, to Tamana ese ia havaraia bona iena ura dainai ia mauri noho.