Futnout

a Hospital dekenai idia gaukara Keristani taudia haida idia davaria unai gauna idia laloa be namo. Doketa tauna be mai ena siahu gorere tauna ena muramura eiava do idia karaia gaudia ia abia hidi totona. Ena be gorere tauna ese rara henia hanai karana eiava bogana lalonai natuna hamasea karana ia abia dae, to Keristani doketa tauna mai ena siahu ese Baibel ena lalohadai unai gaudia dekenai ia diba dainai, edena bamona unai kara ia abia hidi diba? To, hospital dekenai ia gaukara sista ta be unai bamona siahu ia abia lasi. Dina ta ta gaudia ia karaia lalonai, reana doketa ta ia gwau rara amo gorere tahua karana ta do ia karaia eiava bogana lalonai natuna hamasea totona ia mai hahine ta do ia naria. Reana 2 King Taudia 5:​17-​19 ena haheitalai hegeregerena ia laloa, ia be mai ena siahu lasi bona ia ese gorere tauna totona rara henia hanai karana eiava bogana lalonai natuna hamasea karana ia abia hidi lasi dainai, taunimanima durua gaukarana be gorere tauna dekenai ia karaia diba. To momokani, namona be sibona ena lalona ena mamina ia laloa, ‘kerere lasi ida Dirava vairanai do ia noho’ totona.​—Kara 23:1.