Futnout

a Iehova ena Witnes taudia be Dirava ena Basileia idia badinaia lalonai politikol karadia ai idia vareai lasi eiava gavamani idia gwau-edeede henia lasi, Witnes taudia idia taravatua eiava idia dagedage henidia tanodia dekenai be unai bamona danu. (Tito 3:⁠1) To, idia be Iesu bona ena hahediba taudia ginigunadia idia karaia bamona, idia hekwarahi lauma dalanai bona politikol lasi dalanai mai anina bada heduru idia henia. Witnes taudia idia hekwarahi edia noho gabudia dekenai kara maoromaoro idia ura henia taudia idia durua Baibel ena hereva namodia, hegeregere ruma bese lalonai lalokau ia noho, kara maoromaoro, kara goeva, bona gaukara karaia namonamo dalana idia hadibaia. To, idia hekwarahi Baibel ena hakaua herevadia badinaia dalana idia hadibadia totona bona taunimanima durua gauna korikorina, Dirava ena Basileia, do idia laloa.