dainai bona “idia edia hadibaia hereva be taunimanima edia taravatu mo” dainai Dirava ena hereva be anina lasi karana ai idia halaoa. (Mataio 15:​1, 6, 9) Ita hoa lasi Iesu bona iena hahediba taudia momo be rabi edia sikuli dekenai diba idia abia lasi.​—Ioane 7:​14, 15; Kara 4:13; 22:3.

20. Bible ena nega ai diba henia dalana ita tahua dainai dahaka ita diba, bona dahaka ese ia hahedinaraia Iehova ena hesiai taudia dekenai diba idia henia be namo?

²⁰ Bible ena nega ai diba idia abia dalana ita tahua dainai ia hahedinaraia Iehova be iena bese taudia edia Diba Henia Tauna Badana. Mose ena amo, Dirava be Israel dekenai diba henia dala namona ta ia haginia. To nega daudau murinai, Iuda taudia be diba henia dalana ta idia karaia bona Dirava ena Hereva amo idia idau herevadia idia hadibaia. Ena be Iesu be unai Iuda sikulidia ai ia lao lasi, to ia be Hadibaia Tauna Hereadaena, ma tau ta lasi be ia bamona. (Mataio 7:​28, 29; 23:8; Ioane 13:13) Danu, iena hahediba taudia dekenai gaukara ia henidia taunimanima idia hadibaia totona ela bona nega dokona ai. (Mataio 28:​19, 20) Unai idia karaia totona hadibaia taudia namodia ai idia lao be namo, bona unai dainai diba idia abia be namo. Unai dainai, hari inai nega ai Keristen momokani taudia be diba henia dalana dekenai edena bamona do idia laloa be namo? Unai henanadai be sivarai gabena ai do ita tahua.

Oi Tahua Dahaka Oi Laloatao

◻ Badina be dahaka ita diba momokani Iehova be iena hesiai taudia dekenai diba henia dalana ia laloa bada?

◻ Edena daladia ai Israel taudia diba henia dalana bona idau besedia dekenai diba henia dalana be ia idau?

◻ Israel natudia be dahaka diba idia abia?

◻ Israel dekenai dahaka hadibaia daladia idia gaukaralaidia?

◻ Dahaka dainai Iesu bona iena hahediba taudia idia lao lasi Iuda taudia edia sikuli badadia dekenai?

Mai Ena Badina Dainai Diba Abia

“Aonega tauna oi hadibaia bena ena aonega ma do ia bada.”​—HEREVA LADA-ISIDIA 9:9.

1. Iehova ia ura iena hesiai taudia be dahaka diba idia abia?

IEHOVA be “diba momo Diravana.” (1 Samuel 2:3) Iena hesiai taudia dekenai diba ia henidia. Mose ia peroveta unai neganai idia noho idau besedia be Israel do idia gwauraia inai bamona: “Momokani inai bese badana be aonega bona lalo-parara besena.” (Deuteronomi 4:6) Keristen taudia momokanidia danu be diba taudia ai idia lao be namo. Dirava ena Hereva idia stadilaia namonamo taudia ai idia lao be namo. Unai stadi ena badina ia hahedinaraia neganai, aposetolo Paulo ia torea, ia gwau: “Guriguri umui dainai ai hadokoa lasi. Dirava ai noia, ia ese iena ura dalana umui do ia hadibaia, bona Lauma Helaga ena diba bona diari umui dekenai