Hadibaia Hereva

◼ May ena henia gauna: Gima Kohorona bona Awake! magasin ta ta. Lou henia oi karaia bona edia ura ia bada neganai, sabskripsen oi henia toho. Diba bukana eiava Dahaka Ita Karaia? buklet oi henia, Baibel stadi oi hamatamaia totona. June: Dirava Ia Ura Dahaka Ita Karaia? eiava Diba ese Mauri Dekenai Ita Ia Hakaua Lao. Oi hekwarahi Baibel stadi oi hamatamaia totona. July bona August: Inai buklet ta oi gaukaralaia diba: Dirava ese Ita Ia Laloa Eiava?, Inai Gavamani ese Paradaiso Do Ia Mailaia, Ita Mase Neganai Dahaka Ia Vara Ita Dekenai?, “Itaia! Lau ese Gau Iboudiai Lau Hamatamataia,” Mauri Ena Anina be Dahaka​—Edena Bamona Oi Davaria Diba?, Mauri Hanaihanai Tanobada Dekenai Oi Abia!, Oiemu Lalokau Tauna ta Ia Mase Neganai, Toi Tamona Oi Abia Dae be Namo, Eiava? September: Mauri Hanaihanai Tanobada Paradaiso Lalonai.

◼ Inai hua lalonai, Iehova Ena Witnes Taudia be Lalo-Tamona ai Dirava Ena Ura Idia Karaia Tanobada Ibounai Dekenai buklet be kongregesen ibounai dekenai ai siaia. Australia brens dekenai buka haboua gabuna dekenai inai buklet momo idia noho, bona ai ura haroro gabudia dekenai umui hariharilaia bona taunimanima do idia durua bada. Mani emu kara, inai buklet be Baibel stiuden, lou henia, bona kamonai taudia ibounai dekenai umui henia.

◼ June 1 eiava karaharaga unai dina murinai, kongregesen gunalaia tauna eiava ia ese ia abia hidi tadikaka ta ese kongregesen ena akaun ia sekea be namo. Unai do ia karaia murinai, akaun ripoti gabena do idia duahia neganai kongregesen do idia hadibaia.

◼ Umui Abia Diba Buka Matamatana:

2001 Yearbook of Jehovah’s Witnesses​—English

◼ Umui Abia Lou Diba Gauna:

T-24 Iesu Keriso​—Ia be Daika?​—English

◼ Umui Abia Lou Diba Kaset Teipi:

Daniel​—English

◼ Australia amo Umui Abia Lou Diba Lasi Gaudia:

2001 Calendar​—English

Watch Tower Publications Index 1997​—English

Watchtower 1997 Volium​—English

Kontribusen Oi Henia, A?

Iehova ese lauma dalanai iseda dabu gaudia ia durua totona gau idauidau ia henia. Unai gaudia momo be buka, Baibel, Gima Kohorona bona Awake! volium, vidio, bona kaset teipi. Unai gau ibounai be moni bada herea amo idia karaia. Ena davana be iseda kontribusen amo idia karaia. Ita sibona totona gau idauidau ita noia neganai, ita laloa diba lasi taunimanima ma haida ese ita gaukaralaia gaudia edia davana idia durua. (Fili. 2:4) Namona be pablisa ibounai idia laloa kontribusen idia henia be edia maduna. Unai dainai, pablisa momo idia laloa bema bisinesi ta ese unai gaudia ia karaia edia davana be hida, bena unai hegeregerena kontribusen idia henia. Hegeregere, deluxe Baibel ta ena davana be reana K40.00 eiava sisina bada; buka badana ta ena davana be reana K40.00 bona sisina ataiai; kalenda mai ena kala momo ena davana be reana K5.00; miusiki disket momo edia davana be K30.00 bamona, kaset teipi edia davana be K7.00 bamona; bona nega momo vidio edia davana be K30.00 eiava sisina bada. Bema iseda kontribusen be hegeregere lasi unai davana karaia totona, orea ese tanobada ibounai gaukarana ia habadaia dalana do ita koua. Unai dainai, unai bamona gaudia ita noia neganai, edia davana ita laloa be namo.​—Luka 14:28.

This article is unique to PNG.

Henanadai Mauana

◼ Bema kongregesen ena ripoti be Society dekenai idia siaia murinai, haroro gaukara ena ripoti ma haida idia abia, edena dala ai do idia ripotilaia?

Bema ripoti ibounai be hua ta ta ena dokonai idia henia, unai ese heduru bada do ia havaraia. Pablisa haida ese edia haroro gaukara ena ripoti be edia Baibel eiava ane bukana lalonai eiava do idia abia diba gabuna ma haida dekenai idia atoa. Ripoti pepana be ia noho dainai, nega ta ta ai idia haroro neganai edia ripoti dekenai idia torea diba bona hua dokonai ripoti pepadia be Kingdom Hall dekenai idia abia lao dainai, do idia henia diba. Ripoti be nega korikorina ai oi henia totona oi goada karaia be namo.

To bema oi laloaboio eiava oi laloa ia leiti vadaeni be edena bamona? Mani emu kara, emu ripoti do oi henia be namo. Ripoti be Congregation’s Publisher Record kadi dekenai ia torea tadikaka ese hua maorona​—oi haroro huana​—ena kahana dekenai oiemu ripoti do ia torea. Bona emu gaukara ena ripoti be kongregesen ena ripoti ma ta ida do ia haboua bona Society dekenai do ia siaia lao.

Hegeregere, bema pablisa ta ena July ripotina be ia leiti vadaeni to ia henia, bona August ena ripoti be nega korikori ai ia henia, ena gaukara ena ripoti ruaosi be kongregesen ena August ripotina ida do idia haboua. Pablisa edia namba idia duahia neganai August ai nega rua ia idia duahia, a? Oibe, badina July dekenai ia idia duahia lasi. Unai dala ai Society ese ripoti iboudiai do ia abia, bona lagani dokona ena averes be do ia maoro.

Elda haida idia henanadai, bema hua ena dokonai edia ripoti idia henia lasi pablisa idia hereva henia bona ripoti henia totona idia hadibaia lou be maoro. Seketere eiava buka stadi naria taudia ese tadikaka idia hereva henia bona idia hadibaia lou edia ripoti be hua dokonai idia henia neganai, ripoti iboudiai idia abia bona Society dekenai idia siaia diba. Bona oi hadibaia lou tadikakadia ese emu heduru bona emu ura idia dekenai do idia laloa bada.