(Aon. 4:14; “Matamata Taudia E​​—Kara Maoromaoro Ena Dala Dekenai Raka”)

17. (a) Edena bamona daladia ai Paulo be haheauka ena haheitalai namona? (Kara 14:​19, 20; 16:​25-​33) (b) Dahaka dainai tomadiho momokani idia inai henia taudia dekenai ita gari lasi? (Drama bona hereva ladana “Hari Dagedage Lalonai Sivarai Namona Gwauraia Hedinarai”)

18. Dirava ida idia raka taudia be dahaka hahenamo idauidau idia abia? (“Dirava ida Ita Raka ese Hahenamo Ia Mailaia Hari Bona Vaira Negana Totona”)

Iseda lalona ita hadaia Iehova ena “gadona” ita kamonai henia totona, unai amo iseda guba Tamana ida do ita raka ela bona hanaihanai.​​—Isa. 30:21; Ioa. 3:​36.

Hadibaia Hereva

◼ January: Lagani 1990 vairanai idia halasia Hiri Motu gado buka idauidau. Bema kongrigeisen dekenai unai buka idia noho lasi, mani oda umui karaia, badina unai Hiri Motu buka gunadia momo idia do noho. February 1​-12: Iehova Kahirakahira Oi Lao. February 13​–March 12: Gaukara badana do ita karaia Gima Noho! buklet hariharilaia totona. March 13​-31: Diba ese Mauri Dekenai Ita Ia Hakaua Lao. Do ita hekwarahi Baibel stadi ita hamatamaia totona. April: Gima Kohorona bona Awake! magasin do ita hariharilaia.

◼ Namona be kongrigeisen idia hegaegae inai lagani ena Memorial be Thursday, March 24, dina ia diho murinai, do idia karaia. [ITAIA: December 2004 ena Iseda Basileia Gaukara lalonai ia noho hadibaia hereva ia gwau Memorial be Wednesday ai do ita karaia, unai be kerere.] Ena be hereva umui hamatamaia haraga, to paraoa bona uaina do umui henia lasi ela bona dina ia diho murinai. Kongrigeisen ta ta be sibona edia Memorial hebouna idia abia be namo. To, reana nega momo unai be hegeregere lasi. Nega haida, kongrigeisen ta eiava haida ese gabu ma ta idia rentaia diba, unai hanuaboi totona. Bema mai dalana, namona be unai hebou ta ta huanai miniti 40 bamona idia noho, ita ibounai ese unai hebou amo namo bada ita abia totona. Namona be motuka atoa gabuna bona motuka guia taudia rakatania bona abia gabudia umui laloa namonamo guna. Elda taudia be do idia laloa namonamo emui gabu ai dahaka umui karaia be namo.

Kahana 5—Baibel Stadi Namodia Karaia

Paragraf Hida Do Umui Stadilaia Abia Hidi

¹ Iesu ese ena hahediba taudia ia hadibaia neganai, edia diba ena hetoana ia laloa, unai dainai ‘idia kamonai diba hegeregerena’ ia hereva henidia. (Mar. 4:​33; Ioa. 16:12) Unai hegeregerena, hari Dirava ena Hereva idia hadibaia taudia ese Baibel stadi lalonai paragraf hida do idia stadilaia idia laloa be namo. Do idia stadilaia paragraf be hadibaia tauna bona stiuden edia goada bona noho dalana hegeregerena idia abia hidi be namo.

² Abidadama Hagoadaia: Stiuden haida ese nega tamona lalonai idia lalo-pararalaia karoana, be stiuden haida ida nega rua eiava toi ita stadilaia diba idia lalo-pararalaia totona. Namo lasi ita ura stadi ita karaia haragaharaga, to stiuden tauna be ia stadilaia gaudia ia lalo-pararalaia namonamo lasi. Namona be stiuden taudia iboudiai edia abidadama matamatana Dirava ena Hereva dekenai, be badina aukana latanai idia haginia.​​—Aon. 4:7; Roma 12:2.

³ Pura ta ta lalonai stadi oi karaia neganai, nega oi atoa stiuden tauna oi durua, Dirava ena Hereva lalonai ia dibaia gaudia ia lalo-pararalaia bona ia abia dae totona. Stadi oi karaia haragaharaga lasi, badina unai ese ita hadibaia hereva momokani ena namo ia hadikaia diba. Nega oi atoa hereva badadia bona unai hahediba herevadia idia hamomokania siridia umui herevalaia totona.​​—2 Tim. 3:​16, 17.

⁴ Gau Momo Herevalaia Lasi: Ita ura lasi stadi ita karaia haragaharaga bona anina bada lasi gaudia ita herevalaia momo. Bema stiuden ta be ena ura gaudia ia herevalaia momo, dala ita karaia diba stadi murinai unai gaudia ita herevalaia totona.​​—Had. 3:1.

⁵ Hereva momokani ita laloa bada, to stadi lalonai do ita herevahereva momo lasi. (Sal. 145:​6, 7) Stadi ia durua herevana eiava ekspiriens ta ese stadi ia durua diba, to namo lasi unai ita herevalaia momo dainai stiuden tauna be Baibel ena hahediba herevadia amo diba maoromaoro ia abia lasi.

⁶ Baibel stiuden taudia edia diba hegeregerena stadi ita karaia neganai, idia ita durua Iehova ena ‘diari lalonai idia raka’ totona.​​—Isa. 2:5.