January 27 Purana Ena Sediual

JANUARY 27 PURANA

Ane 106 Bona Guriguri

□ Kongrigeisen Baibel Stadi:

bt karoa 9 par. 1-7, rau 68 bona 70 edia maua (30 min.)

□ Tiokratik Haroro Sikuli:

Baibel duahiduahi: Genese 17-20 (10 min.)

No. 1: Genese 17:18–18:8 (4 min. hanaia lasi)

No. 2: Iesu be Tauanina Dalanai Guba Dekenai Ia Daekau Lasi​—rs rau 419 par. 2–rau 420 par. 1 (5 min.)

No. 3: Aramagedono​—Dirava Ena Tuari, Kara Dika Haorea Totona​—td 1A (5 min.)

□ Hesiai Hebou:

Ane 121

5 min: Saturday Ginigunana ai Stadi ta Hamatamaia. Tok. February ena Saturday ginigunana ena haroro teritori bona nega herevalaia, bona ibounai hagoadaia unai gaukara idia durua totona. Rau 4 ai ia noho Baibel stadi hamatamaia dalana haheitalaia.

15 min: Lauma Dalanai Emu Tahua Gaudia be Dahaka? Tok bona henanadai haida. Orea bukana rau 117, paragraf 1 ela karoa dokona herevalaia. Ful-taim hesiai gaukara idia abia hidi pablisa ta o rua intaviu henia. Ma haida amo dahaka hagoadaia hereva idia abia? Dahaka koua gaudia idia hanaia? Dahaka hahenamo idia moalelaia?

10 min: “Magasin Rut amo Baibel Stadi Hamatamaia.” Henanadai bona haere. Helai taudia nanadaia, edena dala ai magasin rut amo Baibel stadi ta idia hamatamaia.

Ane 103 Bona Guriguri

Magasin Rut amo Baibel Stadi Hamatamaia

1. Dahaka dainai Iehova ena orea ese pablisa ia hagoadaia magasin rut idia karaia totona?

¹ Momo idia ura lasi ita stadi henidia, to idia ura iseda magasin idia duahia. Unai dainai, nega ibounai Iehova ena orea be pablisa ia hagoadaia magasin rut idia karaia totona. Momo be magasin idia duahia loulou amo Dirava ena Hereva idia ura henia. (1 Pet. 2:2) Gabeai, idia duahia gauna ese edia ura ia habadaia diba, bena do idia ura stadi idia abia.

2. Edena dala ai magasin rut amo ruma tauna ena ura oi habadaia?

² Hereva Momokani Ena Uhe Ita Dairia: Ruma tauna ena magasin oi henia bena ia oi rakatania haraga be namo lasi, to namona be umui herevahereva sisina. Unai amo iena noho dalana, ura, bona ia abia dae gaudia do oi dibaia bena mai laloparara ida ia oi hereva henia. (Aon. 16:23, NW) Oi hegaegae guna, gabeai lou henia. Bema mai dalana, magasin amo point ta bona siri maorona oi herevalaia sisina, ena kudouna ai oi hadoa hereva momokani ena uhe oi dairia bamona. (1 Kor. 3:6) Ia oi vadivadi henia deit ta ta, oi henia magasin, bona oi herevalaia topik bona siri ibounai be noutbuk ai oi torea.

3. Nega hida magasin rut ai lou henia oi karaia be namo?

³ Nega Hida Lou Henia? Namona be hua ta ta ai nega tamona sibona magasin matamatadia oi abia lao. To, bema oi be hegeregere bona ruma tauna ia ura ena diba ia habadaia, vadaeni nega rua o toi oi lou henia diba. Hegeregere: Ruma tauna ena magasin oi henia, to wiki ta o rua murinai oi lou henia bona reana oi gwau, “Lau mai badina lau ura vanegai lau rakatania magasin ena point namona ta lau herevalaia.” Unai ese ruma tauna do ia durua unai magasin ia duahia totona. Bema unai magasin ia duahia vadaeni, reana oi nanadaia, unai magasin dekenai dahaka ia laloa bena herevalaia sisina. Bema ruma tauna be eda magasin ia moalelaia, reana oi lou henia bona unai hua ena henia gauna hegeregere pepapepa, buklet, o buka ta oi henia.

4. Nega ta ta ai dahaka ita karaia diba bena do ita diba ruma tauna ia ura stadi eiava?

⁴ Oi naria ela bona ruma tauna ese stadi ia noia be namo lasi. To oi ese oi nanadaia ia ura stadi ia abia eiava. Bema idaunegai oi ia hamaoroa ia ura lasi stadi ia abia, vadaeni nega ta ta ai oi lou henia neganai, Gima Kohorona ena kahana ladana, “Baibel Henanadai Edia Haere” oi gaukaralaia, bona oi itaia ia ura oi ida ia herevahereva eiava. Reana iena ruma iduarana ai stadi oi karaia diba. To bema stadi ia abia dae lasi, magasin rut oi karaia noho, unai amo ena ura oi habadaia.