Haroro Hanamoa Daladia—Ta Ida Herevahereva Karana ese Dala Ia Kehoa Ita Haroro Totona

Iesu be Samaria hahinena ida ia herevahereva matamaia, bena unai murinai ia haroro henia. Edena dala ai ita diba lasi taudia ida iseda herevahereva karana ita hamatamaia diba?

• Namona be mai hemataurai ida taunimanima oi hereva henia. Herevana Iesu be ia hesiku, to ena herevahereva karana ia hamatamaia totona unai hahine dekenai ranu totona ia henanadai. Dala idauidau ai emu hereva oi hamatamaia diba, reana, dina ena siahu o medu oi herevalaia, o ia vara gauna ta oi herevalaia diba. Laloatao, oi ura ta ida herevahereva karana oi hamatamaia, to gau badana unai tauna ese ia laloa bada topik ta oi herevalaia. To bema ia kamonai lasi, oi lalohisihisi lasi. Ma ta dekenai unai oi tohoa diba. Iehova oi noia oi dekenai goada ia henia totona.​—⁠Ne 2:4; Ka 4:29.

• Oi noho hegaegae bona dala ia kehoa neganai sivarai namona oi harorolaia, to oi haragaharaga lasi. Nega maoronai unai oi karaia. Bema ta oi doria emu hereva ia kamonai totona, reana do ia ura lasi bona emu hereva do ia kamonai lasi. Bema emu herevahereva karana ia ore, to ia oi haroro henia lasi, oi lalohisihisi lasi. Bema haroro herevana hamatamaia totona oi gari, vadaeni namona be emu hamatamaia herevadia oi praktis. [Vidio 1 hahedinaraia bona herevalaia.]

• Mani inai oi tohoa. Dala oi tahua ta oi haroro henia totona, ia dekenai oi abia dae gaudia oi herevalaia badina unai ese reana ena lalona do ia veria, oi abia dae gaudia ia dibaia totona. Iesu ese kudouna hamarerea herevadia ia gaukaralaia dainai, unai hahine ese henanadai momo ia henia. Iesu be sivarai namona ia harorolaia matamaia neganai, unai hahine ena henanadai ia haerelaia noho. [Vidio 2 hahedinaraia bona herevalaia, bena murinai vidio 3 hahedinaraia bona herevalaia.]