• Dirava ese Hahine Ia Lalodia Bada, A?
    Gima Kohorona—2012 | October 1

    • Dirava ese Hahine Ia Lalodia Bada, A?

      “Hahine tamona amo kara dika ia matamaia, bona ia dainai ita ibounai ita mase.”​—ECCLESIASTICUS, 200 B.C.E. BAMONA.

      “Oi be diabolo ena iduara: oi ese taravatu auna ena huahua oi ania: oi be Dirava ena taravatu oi utua hahine ginigunana . . . Oi ese tau ginigunana oi koia kara dika ia karaia.”​—TERTULLIAN, ON THE APPAREL OF WOMEN, 200 C.E. BAMONA.

      ATAIAI idia noho herevadia be Baibel amo lasi. Lagani handred momo lalodiai, haida be unai bamona herevadia dainai, idia laloa hahine idia matauraia lasi be maoro. Hari danu, kara auka taudia haida be tomadiho herevadia idia gaukaralaia hahine biagua auka karana idia gwauraia maoro totona. Danu idia gwau, hahine edia kerere dainai taunimanima be hisihisi idia davaria. Dirava ena ura be tatau ese hahine do idia matauraia lasi bona hahisia, a? Baibel be dahaka ia gwau? Mani ita itaia.

      Oi laloa Dirava ia gwau hahine ese kerere davana do idia abia, a?

      Lasi. Dirava ese ‘idaunegai gaigaina, iena ladana be Diabolo bona Satani’ ia gwau henia ia gwau “oiemu kerere davana do oi abia.” (Apokalupo 12:9; Genese 3:14) Dirava ese Adamu ia hamaoroa ena adavana do ia “biagua” neganai, ia gwau lasi tau ese hahine do ia biagua auka. (Genese 3:16) To, ia be edia kara dika dainai do idia vara hekwakwanai ia perovetalaia.

      Hahine hahisia karana be Dirava ena ura lasi, to taunimanima be goevadae lasi dainai unai ia vara. Momo idia laloa hahine ginigunana ena kara dika dainai, tatau ese hahine idia biagua auka be maoro, to Baibel ese unai lalohadai ia hamomokania lasi.​—Roma 5:12.

      Dirava ese tau ia karaia hahine ia hereaia totona, a?

      Lasi. Genese 1:27 ia gwau: “Dirava ese taunimanima ia karaia, ia sibona ena laulau bamona, Dirava ena toana hegeregerena ia karaia. Tau bona hahine ia karaia.” Unai dainai matamana negana amo Dirava ese taunimanima​—tau bona hahine​—ia karaia neganai, idia be Iena kara idia hahedinaraia diba. Ena be Adamu ena hemami bona tauanina ena toana be Heva ena amo ia idau, to Dirava ese idia dekenai ia henia herevadia bona hahenamo be hegeregere.​—Genese 1:28-31.

      Adamu be aniani ia gogoa lalonai Heva be bosea ia karaia

      Dirava ese Heva ia karaia Adamu durua totona

      Adamu be aniani ia gogoa lalonai Heva be bosea ia karaia

      Dirava ese Heva ia karaia Adamu durua totona

      Dirava ese Heva ia do karaia lasi neganai, ia gwau: “Tau [Adamu] sibona ia noho be ia namo lasi, lau ese durua tauna ia bamona do lau karaia.” (Genese 2:18) Inai hereva “durua tauna” ese ia hahedinaraia tau be hahine ia hereaia, a? Lasi. Opereisen negana ai, doketa bona nesi (o anesthetist) edia gaukara mani oi laloa. Doketa sibona ese opereisen ia karaia be hegeregere, a? Lasi, to doketa bona nesi idia gaukara hebou be mai anina bada. Unai hegeregerena,