Lagani Momo Iehova Idia Hesiai Henia Tadikaka Taihu amo Dahaka Do Oi Dibaia?

Kongrigeisen ai, lagani momo lalonai Iehova idia hesiai henia taudia momo idia noho. Iehova dekenai idia tabekau karana amo diba ita abia. Reana idia ita nanadaia Iehova ena orea ena histori bona Iehova ena heduru amo edia hekwakwanai idia hanaia dalana idia herevalaia. Reana tadikaka eiava taihu burukana ta ita invait iseda ruma bese tomadiho lalonai ena ekspiriens haida ia gwauraia totona.

Bema oi be lagani momo lalonai Iehova oi hesiai henia vadaeni, namona be Keristani matamata taudia dekenai Iehova ese oi ia durua daladia oi herevalaia. Iakobo bona Iosepa be edia natudia dekenai Iehova ese idia ia durua dalana idia herevalaia. (Ge 48:21, 22; 50:24, 25) Gabeai, Iehova ese ruma bese kwaradia ia hamaoroa edia natudia dekenai Iehova ese idia totona ia karaia gaudia do idia herevalaia. (De 4:9, 10; Sa 78:4-7) Hari iseda negai, tama sina bona kongrigeisen ai idia noho taudia ese matamata taudia dekenai Iehova ese ena orea amo ia hagugurudia gaudia idia herevalaia diba.

VIDIO LADANA, TARAVATU LALONAI LALOTAMONA KARANA DOGOATAO ITAIA, BENA INAI HENANADAI HAERELAIA:

• Iseda tomadiho idia taravatua tanodia dekenai, edena dala ai Austria ena brens ese iseda tadikaka taihu idia durua?

• Unai tano ai idia noho tadikaka taihu be edena dala ai edia abidadama idia hagoadaia?

• Dahaka dainai Romania ai idia noho pablisa momo be Iehova ena orea amo idia parara, bona edena dala ai idia giroa lou?

• Edena dala ai unai ekspiriens ese emu abidadama ia hagoadaia?