Lauma Helaga ese ia Hagugurua Asainmen Badana Ta

Histori ibounai lalonai, Dirava ena hesiai taudia be gau namodia momo idia hagugurua, sibona edia goada amo lasi, to Iehova ena heduru dainai unai idia karaia. Lagani 1954 ai, Iehova ena orea ese vidio ladana, The New World Society in Action idia halasia. Unai vidio be Betele taudia ese idia karaia, ena be vidio karaia dalana idia diba lasi. To, Iehova ena lauma helaga ena heduru amo unai asainmen badana idia hagugurua. Unai ese ita ia hagoadaia bema Iehova dekenai ita tabekau, ita abia asainmen ibounai ita hagugurua diba.​—⁠Sek 4:6.

VIDIO LADANA “IEHOVA ENA OREA ESE IA HAGUGURUA GAUDIA” ITAIA, BENA INAI HENANADAI HAERELAIA:

• Dahaka dainai disisen idia karaia hedikwota ena vidio idia karaia totona?

• Edena dala ai unai vidio ese ia hahedinaraia Betele be tauanina ena kahana ta ta bamona? ​—⁠1Ko 12:14-20

• Tadikaka ese vidio idia karaia neganai, dahaka hekwakwanai idia davaria bona edena dala ai unai idia hanaia?

• Unai sivarai amo Iehova ena lauma helaga ia gaukara dalana dekenai dahaka ita dibaia?