KERISTANI TAUDIA EDIA MAURI DALANA

Iehova Tabekau Henia Daladia Toi

Davida be Goliata ia halusia badina Iehova dekenai ia tabekau. (1Sa 17:45) Iehova ia ura ena hesiai taudia ibounai totona ena goada ia hahedinaraia. (2Si 16:9) Edena dala ai Iehova ena heduru dekenai ita tabekau, to iseda ekspiriens eiava diba dekenai lasi? Dala toi be inai:

Guriguri Hanaihanai. Kerere ta oi karaia murinai emu dika gwauatao sibona totona oi guriguri lasi, to hahetoho hanaia totona oi guriguri danu. (Mt 6:12, 13) Iehova ese guna emu disisen ia hanamoa dainai unai sibona totona oi guriguri lasi, to disisen ta oi do karaia lasi neganai Iehova ena heduru totona oi guriguri danu.—Ia 1:5
Baibel duahiduahi bona sibona emu stadi sediual karaia. Dina ta ta ai Baibel oi duahia. (Sal 1:2) Baibel lalonai idia noho haheitalai oi laloa dobu bona oi dibaia gaudia oi badinaia. (Ia 1:23-25) Haroro gaukara totona oi hegaegae to sibona emu ekspiriens dekenai oi tabekau lasi. Kongrigeisen heboudia amo heduru oi abia totona namona be oi hegaegae guna.
Iehova ena orea ida gaukara hebou. Orea amo idia mai hakaua hereva matamatadia oi kamonai bona badinaia haraga. (Nu 9:17) Elda taudia ese sisiba bona hakaua herevadia idia henia neganai oi kamonai be namo.—He 13:17

Pulisi ese tadikaka ta be kota rumana lalonai idia hakaua vareai bona ripota taudia bona tadikaka taihu be idia itaia noho.

VIDIO LADANA DAGEDAGE DAINAI ITA GARI LASI ITAIA, BENA INAI HENANADAI HAERELAIA:

• Tadikaka taihu be dahaka dagedage karadia idia davaria?

• Dahaka ese idia ia durua idia davaria dagedage karadia idia haheaukalaia totona?