Mauri Moalelaia Hanaihanai! Ena Kahana Haida Heduru Totona

Mauri Moalelaia Hanaihanai! bukana ai idia noho vidio bona henanadai oi moalelaia, a? Bona inai kahana “Haida Idia Gwau,” “Tahua Gaudia,” bona “Referens Itaia” be edena bamona oi laloa? Baibel stadi oi karaia neganai, edena kahana ma haida ese oi ia durua?​—Mt 28:19, 20.

Media: Bema oi ura idia printaia buka amo stadi oi karaia edena dala ai vidio bona gau ma haida oi itaia diba? Elektronik buka ena kahana foa amo ta oi abia hidi. Leseni ibounai edia lista dokonai ia noho baten oi klik diba, unai amo kahana ta ta ena vidio bona referens ma haida oi itaia diba. (Laulau 1 itaia.)

“Printed Edition” setting: Bema oi be ta ida fone o tablet amo stadi umui karaia, nega haida stadi lalonai inai kahana “Printed Edition” setting oi gaukaralaia diba. Unai leseni ai oi noho lalonai toolbar ai ia noho dot toi oi klik bena “Printed Edition” oi abia hidi. Unai setting ese oi do ia durua umui stadilaia leseni ena point badana oi laloa namonamo totona. Bona “Digital Edition” dekenai oi giroa lou totona toolbar ai ia noho dot toi ma oi klik lou.

“Lau Hegeregere?”: Inai buka ena dokona kahanai, maua rua ese do idia hahedinaraia bema ta be ia hegeregere kongrigeisen ida ia haroro bona bapatiso ia abia totona. (Laulau 2 itaia.)

Hereva Ma Haida: Hereva ma haida henunai point badadia edia anina ia noho. Elektronik kopi amo hereva ma haida edia dokonai ia noho link oi klik neganai, leseni oi hadokoa gabunai do oi giroa lou. (Laulau 2 itaia.)