Inai Baibel kosi amo namo oi abia dalana
Baibel stadi karaia dalana umui herevalaia guna bena VIDIO itaia.
KAHANA GINIGUNANA
Leseni ta ta oi hegaegaelaia totona, paragraf oi duahia. Henanadai (A) bona Baibel siridia (B) ese point badadia idia hahedinaraia. Laloatao, siri haida be idia makaia oi “duahia” totona.
HUANAI KAHANA
(C) Diba Ma Haida Abia henunai, be do umui stadilaia gaudia ia herevalaia. (D) Sinado maragidia, ese point badadia ia hahedinaraia. Bona oi ia stadi henia tauna ida Baibel siridia duahia, henanadai haerelaia, bona vidio umui itaia.
Leseni ai idia noho VIDIO bona AUDIO ese oi ia durua oi stadilaia gaudia oi lalopararalaia namonamo totona. Vidio haida ese idia vara momokani sivaraidia idia hahedinaraia. Bona vidio ma haida be mauri ai idia vara gaudia idia haheitalaia, to unai ese mai anina bada gaudia idia hadibaia.
(E) Laulau itaia bona herevalaia, bona (F) Haida Idia Gwau ena kahana ai idia noho hereva o henanadai haerelaia dalana oi laloa.
DOKONA KAHANA
Leseni ena dokonai (G) Point Badana bona Riviu karaia. Bona leseni ia ore ena deit oi torea. (H) Tahua Gauna, stiuden ia durua gau ma haida ia karaia totona. (I) Referens Itaia ena kahana ai, be do oi duahia eiava itaia gaudia ma haida idia noho.
Leseni ta ta
|
|
|
|
|
Baibel siridia davaria dalana
Baibel lalonai buka maragidia ibounai be 66. Kahana rua ai idia hapararaia: Heberu-Aramia Toretoredia (“Taravatu Gunana”) bona Keristani Grik Toretoredia (“Taravatu Matamata”).
Inai stadi ai idia noho Baibel siridia oi davaria totona, (A) Baibel buka ena ladana, murinai be (B) karoa, bena (C) siri do oi itaia.
Hegeregere, Ioane 17:3 anina be, Ioane bukana, karoa 17 bona siri be 3.