Momokani ita gwau diba Hong Kong dekenai “uiti ena anina [bada] abia negana ia ginidae vadaeni, to utua taudia be momo lasi.” (Mataio 9:37) Hari, taunimanima 2,300 2,300 amo tamona tamona be Witness taudia. Uiti gogoa negana be mai anina bada dainai, Basileia harorolaia pablisa taudia 2,600 amo 600 be pioneer taudia, eiava nega ibounai sivarai namona idia harorolaia taudia. Tanobada ibounai dekenai Witness taudia hegeregeredia, Hong Kong ena Witness taudia idia diba ‘Iehova ese ia henia hahenamo amo ta be taga ia davaria.’ (Hereva Lada-isidia 10:22) Unai dainai, idia gaukara bada ma taunimanima momo be unai kohu bada hanuana dekenai idia durudia taga korikori do idia davaria totona.

Gau Ibounai Dekenai Iehova Oi Badinaia, A?

“KARA maoromaoro taudia be ia gari lasi leona matamatana ta bamona.” (Hereva Lada-isidia 28:1) Idia abidadama, Dirava ena Hereva dekenai idia tabekau, bona herevana dahaka dika ia mai, gari lasi dekenai Iehova ena hesiai gaukara idia karaia.

Lagani 1600 B.C.E. murinai, Dirava be Aigupito ena igui hesiaina amo Israel taudia ia ruhadia bona Sinai dekenai idia noho, unai neganai tatau rua idia hahedinaraia leona bamona idia gari lasi. Dika negadia ai danu Iehova dekenai abidadama idia hahedinaraia. Unai tau ta be