HENANADAI 7
Baibel ese iseda nega be edena bamona ia perovetalaia?
“Bese ta do ia toreisi bese ta do ia tuari henia, bona basileia ta ese basileia ta do ia tuari henia. . . . Unai ibounai be hisihisi ena matamana sibona, mara ena hisihisi bamona.”
“Peroveta koikoi taudia momo do idia hedinarai bona momo do idia hakaua kerere.Bona kara dika be do ia bada dainai, taunimanima momo edia lalokau be do ia keru.”
“Umui ese kahirakahira gabudia bona daudau gabudia edia tuari sivaraidia umui kamonai neganai, umui gari lasi. Unai gaudia be do idia vara, to dokona be do lasi.”
“Tano mareremarere badadia do idia vara, gabu idauidau ai hitolo bada bona gorere dikadia do idia vara. Gari do idia havaraia gaudia bona guba amo toa badadia do idia hedinarai.”
“Dina gabedia ai nega aukadia do idia vara, unai ese taunimanima do idia hametaua bada. Badina taunimanima be sibona do idia laloa bada, moni do idia ura henia bada, do idia hekokoroku, hadikaia herevadia do idia gwauraia, tama sina do idia kamonai henia lasi, tanikiu karana do idia diba lasi, ma haida do idia badinaia lasi, famili lalonai lalokau do ia noho lasi, do idia lalotamona lasi, ladana do idia hadikaia, sibona do idia biagua lasi, do idia dagedage, kara namodia do idia ura henia lasi, edia turadia edia mauri hadikaia dalana do idia karaia, do idia kwara auka, do idia heagi, moale karadia do idia ura henia bada, bona Dirava do idia lalokau henia lasi, Dirava badinaia karana be toana sibona do idia hahedinaraia, to edia mauri ai Dirava do idia badinaia lasi.””