Kahana 7 Ena Hamatamaia Hereva

King Saulo bona King Davida edia histori be inai kahana ese ia herevalaia, unai be lagani 80 lalonai idia vara gaudia. Matamanai, Saulo be manau bona Dirava gari henia tauna, to daudau lasi ena kara ia idau bona Iehova ena hakaua dalana ia dadaraia. Iehova ese Saulo ia dadaraia, gabeai Samuela ia hadibaia Davida do ia horoa, Israela ena king ai do ia lao. Saulo be ia mama bona hanaihanai dala ia tahua Davida ia alaia totona, to Davida be ena dika ia haloua lasi. Saulo ena natuna Ionatana ia diba Davida be Iehova ese ia abia hidi tauna, unai dainai Davida ia badinaia. Davida be kara dika badadia haida ia karaia, to Iehova ena matahakani ia dadaraia lasi. Bema oi be tama o sina ta, emu natuna oi durua unai amo idia laloparara hanaihanai Dirava ena hakaua dalana badinaia karana be mai anina bada.