Kahana 8 Ena Hamatamaia Hereva

Iehova ese Solomona dekenai aonega bada bona dubu helaga haginia gaukarana ia henia, to gabeai metairametaira Iehova ia rakatania. Bema oi be tama o sina ta, emu natuna dekenai edena dala ai tomadiho koikoi taudia ese Solomona be Dirava amo idia hakaua siri ena sivarai oi herevalaia. Basileia ia parara, bona king dikadia ese aposteit karadia bona kaivakuku tomadiho henia karana lalonai edia bese idia hakaua. Unai nega ai, Iehova idia badinaia peroveta taudia momo idia dagedage henia bona hamasedia. Kwini Iesebele ese not kahana basileia ai aposteit karadia ia habadaia. Israela taudia dekenai unai be nega dikana. To Israela taudia huanai Iehova ena abidadama hesiai taudia momo idia do noho, hegeregere King Iehosapata bona peroveta tauna Elia.