BAIBEL HENANADAI EDIA HAERE
Kara dika be edena bamona ia matamaia?
Daika ese iesu ia tohoa kara dika ia karaia totona?—mataio 4:8-10
Taunimanima idia ura maino, kara momokani bona kara namo idia hahedinaraia. To, dahaka dainai dagedage, taravatu utua karadia, bona kara dikadia idia vara noho? Hanaihanai nius dikadia ita kamonai. Tau ta ese taunimanima ia doria kara dikadia idia karaia totona, a?—1 Ioane 5:19 duahia.
Dirava ese taunimanima ia karaia kara dika idia karaia totona, a? Lasi. Iehova Dirava ese taunimanima be ena toana hegeregerena ia karaia, bona idia ese Dirava ena lalokau idia tohotohoa diba. (Genese 1:27; Iobu 34:10) To, Dirava ese taunimanima dekenai ura kwalimu ia henia danu. Adamu bona Heva idia kara dika neganai, idia ese Dirava ena kara idia dadaraia bona goevadae lasi taudia ai idia lao. Idia ese ita dekenai kara dika idia henia hanai.—Deuteronomi 32:4, 5 duahia.
Kara dika do ia noho hanaihanai, a?
Dirava ia ura kara dikadia ita dadaraia. (Aonega Herevadia 27:11) Unai dainai, ita dekenai kara dika dadaraia dalana bona moale korikori davaria dalana ia hadibaia. To hari, ita ese Dirava ena lalokau ita tohotohoa goevagoeva diba lasi.—Salamo 32:8 duahia.
Ena be hari kara dika momo idia vara, to Dirava ese unai ia koua lasi, badina ia ura taunimanima ibounai be kara dika ese ia havaraia dika do idia diba. (2 Petero 3:7-9) To, kahirakahira tanobada be Dirava idia badinaia moale taudia amo do ia honu.—Salamo 37:9-11 duahia.