Point Badadia Hahedinaraia

Lou henia bona Baibel stadi ita karaia neganai, namona be kamonai taudia ita durua point badadia idia lalopararalaia totona. Unai bamona ita karaia neganai, edia kudouna do ita hamarerea bona do ita durudia point badadia idia laloatao totona.

Lou henia eiava Baibel stadi totona oi hegaegae neganai, namona be oi ura hahedinaraia point badadia sibona oi makaia, to hereva maragimaragidia lasi. Bena dina ta ta maurina ai idia vara gaudia amo, auka lasi haheitalai oi abia hidi. (Mt 5:14-16; Mr 2:21; Lu 14:7-11) Namona be kamonai taudia edia mauri dalana bona idia karaia gaudia oi laloa danu. (Lu 5:2-11; Ioa 4:7-15) Oi itaia point ia lalopararalaia bona ia moale neganai, do oi moale bada.

VIDIO LADANA HAHEDIBA TAUDIA HALAOA GAUKARANA OI MOALELAIA​—EMU HARORO DALADIA HANAMOA​—POINT BADADIA OI HAHEDINARAIA ITAIA, BENA INAI HENANADAI HAERELAIA:

• 

  Dahaka dainai Baibel stiuden ita durua Baibel siri ena hereva idia lalopararalaia totona?

• 

  Edena dala ai Neeta be haheitalai ta amo, Roma 5:12 ai ia noho hereva momokani ia hahedinaraia?

• 

  Edena dala ai haheitalai namodia ese kamonai taudia idia durua diba?

• Dahaka dainai iseda haroro gaukara ai Iehova ena orea ese ia halasia vidio bona tulu idauidau ita gaukaralaia be namo?