Kudouna Hamarerea

Dirava badinaia karana be kudouna amo ia mai. (Ao 3:1) Unai dainai, kamonai tauna ta ita hadibaia neganai ena kudouna ia hamarerea be namo. Edena dala ai?

Stiuden dekenai Baibel ena hereva momokani sibona oi hadibaia lasi, to oi durua iena mauri lalonai ia badinaia bona Iehova ia tura henia totona. Bona ia oi durua Baibel ena taravatu ese Dirava ena lalokau, kara namo bona kara maoromaoro ia lalopararalaia totona. Henanadai haida oi henia ia dibaia gaudia dekenai ena hemami ia gwauraia totona. Stiuden oi durua ena lalohadai kererena o kara gunana ia haidaua neganai, ena mauri do ia namo. Bema oi itaia Baibel stiuden be Iehova ia lalokau henia, do oi moale bada.

VIDIO LADANA HAHEDIBA TAUDIA HALAOA GAUKARANA OI MOALELAIA​—EMU HARORO DALADIA HANAMOA​—KUDOUNA HAMAREREA ITAIA, BENA INAI HENANADAI HAERELAIA:

• 

  Dahaka dainai Neeta be Jade ia nanadaia: “Monday ai ita herevalaia gauna oi laloatao?”

• 

  Edena dala ai Neeta ese Jade ia durua Baibel ena taravatu amo Iehova ena lalokau ia lalopararalaia totona?

• 

  Edena dala ai Neeta ese Jade ia durua Dirava dekenai ena lalokau ia hahedinaraia totona?