Romans
10 Itupkomu, pas pay okiw Israel-sinom ayo nö́ṅakniqat nu amuṅem iunaṅṅaqw nāwakinma, pu amuṅem God aw tūviṅtima. 2 Pi nu amumi navotiʼtaqw puma God eṅem qanātusiʼyuṅwa; nīk̇aṅw qa suan navotiʼyuṅwa. 3 Pi hak Christ aw tuptsiwhq Christ hakiy qenivo taveʼ tutavot aṅqw hakiy mātapṅwu. Yan hapi hak God aw súantaṅwu. Noqw pay puma it qa navotiʼyuṅqe Moses tutavoyat aṅ hinwisniqey akw God unaṅwveyaniqey aṅ öʼqalya, nihqe Christ pöhuyat aṅ hinwisniqey qa nānawakna. 4 See 10:3
Salvation Is for All
5 Noqw hak tutavotniqw hin qenive wúnuhqat Moses pas nāp yan lavayhti: Hak tutavot an suan hinmaqa put akw qatsit túwani, kita. 6 Noqw lavayi hakimuy qapēvewnayaqamuy, qenivo oyiwyaqamuy amumi yanwat lalvaya: Uma qa umuhʼunaṅwpeq yan lavayhtotini: Ya sen hak ōṅaqw Christ hawnaniqe ōveqatsit aw wupni? 7 Piw qa yanʼi: Ya sen hak Christ soʼpumuy amuṅaqw ahoy tātaynaniqe atk̇amiqhaqami aʼnö hötsit aqw pákini? 8 Noqw pay tutuvenit aṅ yan peyʼta: God lavayiyat umuy āawnaya, noqw pam umuhmoamiq pakiwta, piw umuhʼunaṅway aqwʼa, yanʼi. Noqw as sinom lavayit aw tuptsiwyaniqat ōviy itam piw yanwat lavayta: 9 Ason um Jesus God ahpiy mokiwuy aṅqw ahoy tātayhqat pas uhʼunaṅwpeq tuptsiweʼ piw pam hapi Tutuyqawhqanihqat paṅqaweʼ um ayo yámakiwtani. 10 Pi sino unaṅwpeq tuptsiweʼ qenivo yámakiwtani, pu Jesus Tutuyqawhqalaweʼ ayo yámakiwtani. 11 Pi tutuveni ura paṅqawu: Aw tuptsiwhqa soon hamanhtini, kita. 12 Pi Jew-sino, pu Greek-sino qa haqam alöṅöt hinta; pi iʼ hak sohsokmuy amumi Tutuyqawhqa sohsokmuy put aw tatqaʼnaṅwyaqamuy amumi qaöwíunaṅwtaviʼta. 13 Pi Tutuyqawhqat aw taqaʼnaṅwtiqa ayo yámakmantani. 14 Noqw ya sinom Christ aw qa tūtuptsiweʼ hin put aw taqaʼnaṅwtotini? Pu ya puma qa nanapteʼ hin put aw tūtuptsiwani? Pu qa hak pumuy amumi yuaataqw ya puma hin nanaptani? 15 Noqw hak qa ayatiweʼ hin yuaatani? Pi ura yan peyʼta: Hakim kwakwhat yēsiwhqat tūawvayaqam pas hahlayhpit epya, hakim lomatuawit kwusivayaqamu. 16 Noqw pi Jew-sinom qa sohsoyam lomatuawit kwusuya. Oviy pi Esaias paṅqawu: Tutuyqawhqa, ya hak itahtuawiy tuptsiwa? 17 Pi hak God lavayiyat yuaataqw sinom nanaptaṅwu; noqw puma nanapteʼ haqawat tūtuptsiwani. 18 Nīk̇aṅw nu paṅqawni: Ya sen puma qa nanapta? Asʼa. Pi tūawi ahsupoq tūwaqatsit aṅ tuyqawva, pu lavayi tūwaqalvoqhaqami nanaptiwa. 19 Noqw pi nu paṅqawni: Noqw ya Israel-sinom qa nanapta? Asʼa. Ura Moses mohti paṅqawu: Nu hakimuy qa sūpwatuy sinmuy amuhpiy umuy unaṅwmoknani; pu nu pay aṅ hihtuy anʼeʼwakwmuy sinmuy akw umuy itsívutoynani. 20 Noqw Esaias pas qa tuhtusk̇aṅw God eṅem yuaataqe paṅqawu: Hakim aṅwu pay nuy qa hepnumyaqam nuy tutwa; pu hakim nuy qa tūviṅlalwaqw nu pumuy amumi namtakna. 21 Nīk̇aṅw pam Israel-sinmuy lavayhtiqe paṅqawu: Hakim ilavayiy qaanhinwisqamuy, pu ahoy kolilitotaqamuy nu pumuy amumi tēvep māvuyawk̇aṅw wáṅwaylawu.