James
1 Nuʼ James, God-nik̇aṅw pu Itahtutuyqawhqay Jesus Christ pumuy tūwikiamnihqa it penta, God sinomuyatuy aṅqeʼ ahtsavalʼiwtaqamuy amumii. Hakim öqawyuṅṅwu.
Faith and Wisdom
2 Itupkomu, ason uma hīhihta akw unaheviwyeʼ, put ep hinhaqam hahlayhtotini, 3 It navotiʼyuṅwee: Ason uma umuhtuptsiwniy aṅqw lasyaniqey unaheviwyeʼ, uma put pantaqat ahpiy qaīts hin unaṅwtotiniqey tuwiʼvayani. 4 Nīk̇aṅw hak hihta ep nakwhaniʼk̇aṅw, pay yūmosa put aṅ kuyvamantani. Nen hak pas tukwsiwṅwu, pasiwtaṅwu, qa hihta akw hintaṅwu. 5 Kurs uma haqawa suyan unaṅwtalwuwnit ṅastanen, pay pam God aw put ōviy tūviṅtani. Noqw pam hakiy qa qöhqöyat, aw put nóani. Pi pam qa hihta k̇ahk̇awnak̇aṅw sohsokmuy hihta huylawṅwu. 6 Noqw pay hak pas qapēvewnak̇aṅw put ōviy tūviṅtani, qa wiwsik̇aṅwo. Taq wiwsiqa pāhut hoṅvantaqat anta. Pam hūk̇aṅwuy akw nāhoy tutuptiwṅwu. 7 Noqw ōviy hak pantaqa God aṅqw pay hihta ömahtaniqey qa pan wūwamantani. 8 Lȫq wuwniʼtaqa ahsupoq tunatyay aṅ qa hūrsʼiwtaṅwu.
Poverty and Riches
9 Pay aṅ tuptsiwniʼtaqa okiwsinonik̇aṅw aʼnö hímuniwhtiqey ep hahlayni. 10 Pu iʼ hak k̇ahaktaqa qahimuniwhtiqey ep piw tuwat hahlayhtini. Pi pam tūsaqat siyat an tūwayani. 11 Taq tāwa yamakq, kohsiwuy akw pay pahsat tūsaqa tsakṅwu; noqw put siat posṅwu; noqw put lomavitsaṅwaat súlawhtiṅwu. Noqw pan hapi k̇ahaktaqa nāt panmaqw himuat súlawhtini.
Testing and Tempting
12 Pas sino unaheppit aṅ kuytaqa hahlayhpit epʼe. Pi ason Tutuyqawhqa put aw tuwanteʼ, put hihta ahsataqat aw nóani-it qatsit qasoʼtaqata. Pan hapi pam sohsokmuy put aw unaṅwayʼyuṅqamuy amumi awiniʼta. 13 Qa hak hapi unaheviweʼ paṅqawni: God hapi inumi unahepta, kítani. Pi God pas qa hihta qaan hinhtiniqey nāwakna. Piw pam qa hakiy aw unahepta. 14 Pay sino hihta tuṅlayiy ahpiy pan ūnatoyniweʼ unaheviwṅwu. 15 Pu tuṅlayiy aṅ hinmeʼ qaanhtiṅwu. Nen pam qaanhtipuy aṅ ahsupoq hinmeʼ soʼṅwamiq mokni. 16 Uma qaöwíhiniwhtotini, pas aw iunaṅwam itupkomu. 17 Sohsoy lolma kuwahtipu, pu sohsoy makiwa qa hihta akw hintaṅwuqa hapi ōṅaqʼö. God tālawṅwat yúkuhqa hapi itamumi sohsok hihta nukṅwat noiʼma. Pam soon hisat alöṅtini. Pam tālanihqe soon hisat namtök̇eʼ haqam qatālawnani. 18 Noqw pam kurs yan tunatyawtaqe, itamuy lavayiy pas antsanihqat akw aniwna, itam put yukimuyatuy ahpiy sus mohpeqyaniqata.
Hearing and Doing
19 Noqw ōviyʼo, aw iunaṅwam itupkomu, uma sohsoyam pās tūqayyuṅwni; qa sulvayhtotimantani; qa suyhtsiptotimantani. 20 Taq hak tāqa itsīvuy akw qa súanhinmeʼ soon God unaṅwveni. 21 Paniqw ōviy uma it tuyoyʼewakwtunatyat ayo yukuyani, pu nukpantunatyat aʼnö hoyoyotaqata. Nen uma okiwʼuna-ṅwayʼk̇ahk̇aṅw God lavayiyat umuhʼnaṅwmi panayani. Pi pam umuhhikwsiy ayo óyaniqey aw öqalayʼta. 22 Uma qa nāmi yētotat, God lavayiyat aṅ hinwisni; qa pánis-sa paysoq aw tūqayyuṅwni. 23 Taq lavayit aw paysoq tūqaytaqa pay qa aṅ hinmaqa hakiy panaptsat akw nātuwayʼtaqat pantaṅwu. 24 Pam nāviptsat, ahpiyniṅwu; nen pahsat pay hin sóniwhqey suhtokṅwu. 25 Nīk̇aṅw hak it tutavot pās pasiwtaqat, hakiy qenivo táviṅwuqat aṅ purimeʼ, put qa suhtok̇eʼ, aṅ hinmaqw, God put hintsakpiyat aṅ put paaṅwani. 26 Kurs hak haqam God pas k̇aptsiʼtaqey pan namiwuwanteʼ, leñiy qa aw tuyqawiʼteʼ, pam paysoq nāyuyuyhnani. Pam pi haktonsa pās unaṅway qatu. 27 Noqw pay yan hapi hak God Itanay-niqw pas antsa put k̇aptsiʼtaqa hinmani kwaṅwʼewakw unaṅwayʼk̇aṅwo. Hak imuy nanalvutuy, pu koṅnanalvutuy hihta aṅ k̇ānanvotyaqw amumi pohtamantani. Pu yep qatsit ep qa nātuyoyʼewakwtani.