James
Friendship with the World
4 Ya uma hinoqw nānaywa, pu nāṅwuyʼyuṅwa? Umuhtokoy ep umuhtuṅlayi umuy hin unaṅwtotoyna. Sen qa panta? 2 Uma as hihta tuṅlayʼk̇ahk̇aṅw kurs hin put tutwani. Uma as tuqwyantota, hihta himuyʼvayaniqey tuṅlayʼk̇ahk̇aṅwo. Uma nānaywak̇aṅw nāqöytota. Nīk̇aṅw uma hihta qa tūviṅtotaqe ōviy qa himuyʼyuṅwa. 3 Uma as hihta ōviy tūviṅlalwak̇aṅw qa ömalalwa; uma qalomátunatyawk̇ahk̇aṅw put ōviy tūviṅtotaṅwuniqee, paysoq pi uma umuhtuṅlayiy aṅ put akw nāhahlaynayaniqe ōviyʼo. 4 Is ohi, uma nuvötahtaqtu, pu yoñaymomoyamu, yep qatsit ep uma nāhahlaynayaniqey nānawaknaqamu! Kurs uma pan hinwiseʼ, God tuwqamatniwhtotini. Taq hak yep qatsit ep nāhahlaynaṅwuqa God tuwqaata. Ya uma it qa navotiʼyuṅwa? 5 Ura tutuvenit aṅ yan peyʼta: Pam hikwsit itamuhsonmi pánahqey tuṅlayʼta, pu nēṅem k̇ahk̇awna, yanʼi. Noqw ya úmuyniqw paysoq iʼ peyʼta? 6 Pi pas pam hakiy pāsniṅwu. Paniqw pi ōviy pam paṅqawu: God aṅ kwiviʼnaṅwayʼyuṅqamuy amuhpewi wunuptuṅwu; nīk̇aṅw aṅ okiwʼunaṅwayʼyuṅqamuy pam paaṅwaṅwu. 7 Paniqw ōviy uma God aw nānakwhaniʼyuṅwni. Uma Nukpanat aw rohomwisq, pam umupyeve wāyamantani. 8 Uma God aw hohyokyaqw, pam piw tuwat umumi hóyokni. Uma soñawnen umuhmay pāhomyani, uma aṅ qaanhinwisqamu, pu uma umuhʼunaṅway kwaṅwʼewakwtotani, uma lȫq wuwniʼyuṅqamu. 9 Uma nāökwhayani; pu qahahlayyani; pu tsaykitani. Uma tsutsúyyaniqey qeʼtotit, qahahlayhtoteʼ, putuiwyuṅwni. 10 Uma Tutuyqawhqat ehpewi nāqahihtatotaqw, pam umuy tsok̇anani.
Warning against Judging a Brother
11 Uma qa nānamiq hiṅqaqwani, itupkomu. Taq pāvay, sen tupkoy aqw hiṅqawlawhqa tutavot qahihtalawhqe aqw hiṅqawlawṅwu. Nīk̇aṅw kurs um tutavot aqw hiṅqawlaweʼ, qa put aṅ hinmeʼ, um sinmuy amuṅem hin yúkuniqey nātsotsk̇anaṅwu. 12 Pay hapi pas sūk̇a nuhtumi tutaptima, piw amuṅem hin yuyku, (pas God-saa). Pam hapi hakiy ayo táviniqey, pu ayo hintsanniqey aw öqala. Noqw ya um haknihqe pas piw ayo sukw aqw hiṅqawlawni?
Warning against Boasting
13 Taay, uma paṅqaqwaqamu, Itam puʼ, sen qāvo ayo wuhkokitsokimiyeʼ, pep yahsaṅwnayani; nen pep hihta tuhtuyʼyak̇ahk̇aṅw huhyayeʼ, hihta nihtotini. 14 Susmataqpi qāvo hintaniqat uma qa navotiʼk̇ahk̇aṅwo. Puyaw umuhqatsi hímuu? Pay pam söviwaṅwuy anta. Hihsavo mātsiltit, pay kurs haqaminiṅwu. 15 Uma qa paṅqaqwat, yan hiṅqaqwanik̇ahk̇aṅwo: Ason kurs Tutuyqawhqa pan nāwaknaqw itam yesni, nen yanhtotini, sen panhtotini, kitotanik̇aṅwo. 16 Noqw tuwat soq uma umuhkwiviʼnaṅway ep himuiwyuṅqe qaanhtotiṅwu. 17 Noqw lolmat hinhtiniqey navotiʼk̇aṅw put qa panhtiqa qaanhtiṅwu.