PART 3

Qatsi yàyniwqat ep hinta?

Jehovah Adam nit Eve sòosok hìita maqa. Genesis 1:28; Acts 17:25

Mòoti Jehovah Eve yuku. Pu’ pam Adam nööma’atni.

Jehovah mòoti wùuti yuku Eve yan tungwa. Put pam Adam nööma’atni.—Mark 10:6, 7.

Pumuy tokoʼam niqw wuwniʼam qa hìita akw hinta.

Adam piw Eve loma tutskwave aw nuptsawtaayungwa.

Qatsivö pumuy tavi, Eden yan maatsiwa. Kuuyi niqw nöösiwqa niqw popkot hiihinyùngqam.

Jehovah pumuy tuuqayna. Kur ima Jehovah aw tuuqayte’ sutsep lomaqatsit ep qátuni.

God amumi pàngqawu it suukwtsoki qa angqw sówani. Genesis 2:16, 17

Jehovah Adam nit Eve suukwtsokit amumi màatakna. Pam amumi pàngqawu it suukwtsoki qa angqw sówani.

Jehovah Adam nit Eve suukwtsokit amumi màatakna. Pumuy aw pàngqawu uma pu’ angqw nööseʼ uma mokni.

I’ suukya qa mataqsino God qa kyaptsita. Pam Nukpana.

It Nukpana Adam nit Eve Jehovah aw qa tuuqaytani qa naawakna. Pam tsuu’at akw Eve aw yu’a’àyku. Put aw pàngqawu um it suukwtsokit angqw soweʼ um qa mokni. Put piw aw pàngqawu um God súʼantani. It suyan pas atsa.—Genesis 3:1-5; 1 Timothy 2:14.