Xpriiche

17 Es is peser een trokne xtik proot mit friit Wii een haus fol esmitel mit xtrayt. 3 Te xmelse tus is fer tas silper un te xmelse owe is fer tas kolt, awer Yeehoowa is Tee woo ti hërtse noo kukt. 4 Te xlechte mënx kept acht fer wërter woo ferletse, Un te mënx woo anere hinerkeet, horicht ti xlechte tsung. 9 Weer een iwertreetung fertsaye tuut, ferprayt ti liip, Awer tee woo wayter xpreche tuut iwich een selwiche sache, macht kuute fraaynte aus naner. 14 Een xtrayt aan fange, is wii een waser mauer uf mache; Kee faart eep een tsënkeray aan fangt. 17 Te woere fraaynt tsaycht imer liip, un wërt een pruuter in unruyche tsayte. 22 Een frooe hërts is een kuut metitsiin, Awer sich traurich xpiire, tuut eene sayn kraft wech hoole. 24 Weer ferxtëntnis hot, halt sayn aue aan ti kluucheet, Awer ti tume lose sayn aue pis am ën fon te eyert keen. 27 Te kluuche man tuut sayn wërter kontroliire, Un te ferxtëntnise man tuut ti ruu hale.