Richter

8 Ti mëner fon Efraiim hon tan fer Kiteoon kesaat: “Was host tuu kemacht? Warom host tuu uns net keruuft fer mit keen keeche Mityan khëmpfe?” Un hon se krop mit tëm ketsënkt. 2 Awer tee hot fer tëne kesaat: “Was hon ich kemacht neewich was teyer xon kemacht hot? Sin net ti rest fon Efraiim sayn ërntung peser wii ti traupe ërntung fon Apyesër? 3 Kot hot Orëp un Seëp — ti prinse fon Mityan — in ayer hënt ketuun. Tan, was hon ich kemacht neewich was teyer xon kemacht hot?” Wii eyer tas kesaat hot, sin se in ruu kep. 22 Xpeeter, hon ti mëner fon Israël fer Kiteoon kesaat: “Tuu iwer uns rechiire, tuu, tayn soon un tayn enkel, wayl tuu host uns fon Mityan sayn hënt pefrayt.” 23 Awer Kiteoon hot tëne keantwort: “Ich tuun net iwer aych rechiire, aach net mayn soon. Yeehoowa tuut iwer aych rechiire.” 27 Kiteoon hot tiise kolt penutst fer een ëfot mache un hot tas in sayn xtat, in Ofra, uf kextelt; un tas kans Israël hot tat mit tëm ëfot sich kaystlich prostituiirt, un tas is een fal fer Kiteoon un fer sayn haus kep.