Xowaˈ a ejtowal ka tʼajaˈ abal ka exbay alwaˈ jechéˈ i exobintaláb kʼal an Biblia
Okʼox ti ka tuju kʼal an exobintaláb, ka ajay jechéˈ i óltsixtaláb. Tayíl ka chuˈuw an VIDEO.
JIDHTAL PEJATS
Okʼox ti ka tuju ta exóbal, ka ajay ta kwetémtal an jidhtal pejats ba cada ajumtaláb. An konowixtalábtsik xi in koˈol jun i número (A) ani i textos xi káldhats ban Biblia xi kʼwajat tʼunuy (B) in ólnál an chalaptsik xi más exbadh. Juntsik i texto xi káldhats ban Biblia, neˈech ka chuˈuw abal in ulal «Ka ajay».
CHABTSÍL PEJATS
Ban jidhtal párrafo ban pejats «Abal ki exóbnaˈ más» in wilkál xowaˈ neˈech ka exóbná ban párrafos xin óntsal (C). An káw xi in koˈol jun i número in ólnál jowaˈ jaˈich an chalap xi más exbadh (D).
VIDEOS. Ba jechéˈ i recuadros neˈech ka elaˈ más i óltsixtalábtsik abal ka exbay más alwaˈ an ajumtaláb. Juntsik i videos in xalkʼál xowaˈ tsubax watʼenek. Kʼeˈettsik jaˈich tokot i tejwaˈmédhomtalábtsik, por tu tolmiyal ki exbay jun xataˈ.
Ka ajay an textos xi káldhats ban Biblia, ka tokʼoy an konowixtalábtsik ani ka chuˈuw an videos junax kʼal xitaˈ ti pidhál an exobintaláb. Ka chuˈuw an chʼilabtsik ani ka tʼajaˈ ti kwentaj xowaˈ in ulal (E), ani ka chalpay janti neˈech ka tokʼoy ban pejats «Xowaˈ juntsik in ulal» (F).
ÓXTSÍL PEJATS
An ajumtaláb u okʼnal kʼal cháb i pejats xi in bij «Xowaˈ i exobnámich» ani «Ki chalpay xowaˈ i exobnámal» (G). Tayíl tam ka okʼoy ka exóbnaˈ an ajumtaláb, ka dhutsaˈ jowkʼi ta okʼoy ka exóbnaˈ. Ban pejats «Tu kanial ka tʼajaˈ jechéˈ» neˈech ka bachʼuw i óltsixtaláb xi neˈech ti tolmiy ka exóbnaˈ más kʼal tin kwentaj an Tʼokat Dhutslab (H). Ban pejats «Ka exlaˈ jun xataˈ más» neˈech ka elaˈ i publicaciones ani i videos xi neˈech ti tolmiy tʼajat (I).
Xowaˈ neˈech ki exóbnaˈ ban exobintaláb
|
|
|
|
|
Janti a ejtowal ka elaˈ an texto ban Biblia
An Biblia in koˈol 66 i tsʼitsik libros. In koˈol cháb i pejats: an Escrituras Hebreoarameas ani an Escrituras Griegas Cristianas. Juntsik i atiklábtsik in exlál janti an Antiguo Testamento ani an Nuevo Testamento.
An textos kʼal an Biblia ba jechéˈ an exobintaláb, okʼox kʼwajat in bij an libro (A), tayíl kʼwajat jun i número xi in ólnál an capítulo (B) ani más tayíl kʼwajat jun o yán i números xi in ólnál an versículo o an versículos (C).
Anchanˈ janti jechéˈ, Juan 17:3 in léˈ kin uluw «an libro xi in dhutsaˈ na Juan, capítulo 17, versículo 3».