PEJATS 1

¿Janti i ejtowal ki exlaˈ kʼal tin kwentaj an Okʼoxláb?

An Okʼoxláb tu okʼtsal kʼal an Tʼokat Dhutslab (2 Timoteo 3:16)

An Okʼoxláb xu kʼwajíl tʼekat in tʼajaˈ abal juntsik i iniktsik kin dhutsaˈ an Tʼokat Dhutslab

Nin chalapil an Okʼoxláb kʼwajat ban Tʼokat Dhutslab. Jajáˈ in léˈ ki choˈóbnaˈ yan xataˈ xi lej uluts, jaxtám in tʼajaˈ abal juntsik i iniktsik kin dhutsaˈ xowaˈ Jajáˈ in chalpayal.

Yab waˈach ni jun xitaˈ más chalpadh kej an Okʼoxláb. Jaxtám Jajáˈ in choˈób xowaˈ más alwaˈ abal wawaˈ. Max ki tʼajaˈ ti kwentaj, neˈech ki choˈóbnaˈ janti ku kʼwajay alwaˈ ti xeˈchintal (Santiago 3:17).

An Tokʼat Dhutslab ba yan i káwintalábtsik; jun i inik exom in ajyal an Tokat Dhutslab bin káwintalábil

Jajáˈ in léˈ abal ejtal an atiklábtsik kin ajay an Tʼokat Dhutslab. Jaxtám ti kʼwajat dhutsadh ba yan i káwintalábtsik.

Max i léˈ ki tʼajaˈ ti kʼij an Okʼoxláb, yejat ki ajay an Tʼokat Dhutslab ani ki exbay alwaˈ.

Tin putál an kʼaylál yan i atiklábtsik exom in tʼajál ti kwentaj an Okʼoxláb (Mateo 28:19)

Jun i Óltsix kʼal a Jehová exom in ajtsal jun i pejats ban Tokat Dhutslab ani tayíl exom in okʼtsal kʼal anTʼokat Dhutslab

An Óltsixtsik kʼal a Jehová in ejtowal ti tolmiy abal ka exbay an Tʼokat Dhutslab.

Jajáˈtsik in olnál an tsubaxtaláb kʼal tin kwentaj an Okʼoxláb tin pubél an Chabál.

Junkuntaláb ban Atáj jonti u junkunal an Óltsixtsik kʼal a Jehová

Tatáˈ a ejtowal ka exobnaˈ más tin kwentaj an Okʼoxláb max ki kʼale ban junkuntalábtsik xi in tʼajál an Óltsixtsik kʼal a Jehová. Abal ki exoblách yab koˈol ka jalbiy.