¿Jitaˈ jaˈich an Okʼoxláb?

Tokot waˈach jun i Okʼoxláb xi tsubax, ani in bij ta Jehová (Salmo 83:18). Jajáˈ jaˈich jun i espíritu jaxtám ti yab i ejtowal ki chuˈuw. Tu kʼanidhál tʼajat ani in léˈ abal wawaˈ ki kʼanidhaˈ Jajáˈ. Ani jeye in léˈ abal ki kʼanidhaˈ ni at kʼwajíl (Mateo 22:35-40). Yab waˈach ni jun xitaˈ más pulek kej na Jehová, kom Jajáˈ in tʼajámal ejtal xowaˈ waˈach.

Xowaˈ okʼox in tʼajaˈ an Okʼoxláb jaˈich jun i ángel xi lej chapniˈ, xi in bij ta Jesucristo. Ani jeye in tʼajaˈ kʼeˈet i ángeles.

Na Jehová in tʼajaˈ ejtal xowaˈ waˈach tuwaˈ walkʼiˈ... ani ejtal xowaˈ waˈach techéˈ ti Chabál (Revelación [Apokalipsis] 4:11)

Na Jehová in tʼajaˈ ejtal xowaˈ waˈach tʼekʼat, ani ejtal xowaˈ waˈach ti Chabál (Génesis 1:1).

An okʼox inik xi in bij ta Adán, in tʼajaˈ kʼal i pojodh (Génesis 2:7).