AJUMTALÁB 34
¿Janti i ejtowal ki tejwaˈmédhantsi na Jehová abal i kʼanidhál?
¿A achʼál tatáˈ más i utat kʼal an Okʼoxláb desde tam ta tuju ka exóbnaˈ an Biblia? ¿A kulbetnál tatáˈ ka chapikmé más na jaˈúblábil kʼal jajáˈ? Ka chalpay, max na Jehová in chuˈtal abal tatáˈ a kʼanidhál tʼajat, jajáˈ jeye neˈech ti kʼanidhaˈ más ani neˈech ti beletnaˈ. ¿Janti a ejtowal ka xalkʼantsi na Jehová abal a kʼanidhál?
1. ¿Janti i xalkʼantsal na Jehová abal i kʼanidhál?
Tam i tʼajál ti kwentaj xowaˈ in ulal, i xalkʼantsal ti kʼanidhomtaláb (ka ajay 1 Juan 5:3). Por jajáˈ yab in nixál ni jun xitaˈ abal kin tʼajaˈ xowaˈ jajáˈ in ulal. Más alwaˈ, jajáˈ tu jilál ki takuy max neˈech ki tʼójontsi o yabaˈ. ¿Jantʼó? Jaˈich kom na Jehová in léˈ ki tʼójontsi kʼal ejtal ni itsích (Romanos 6:17). Jechéˈ in léˈ kin uluw, kej jajáˈ in léˈ ki belkaˈ kʼal i kʼanidhomtaláb, ani yab abal tu nixoknál. An ajumtaláb óx ani chéˈ ba jechéˈ i libro neˈech tu tolmiy kʼal cháb xataˈ xanti ki xalkʼantsi ti kʼanidhomtaláb na Jehová: ki tʼajaˈ xowaˈ jajáˈ in kulbetnál ani yab ki tʼajaˈ xowaˈ jajáˈ yab in kulbetnál.
2. ¿Jantʼó ti ejtowal ki achʼaˈ tʼojláb ki xalkʼantsi ti kʼanidhomtaláb na Jehová?
«Yan i dhukʼeltaláb in watʼnál xi lujattsik» (Salmo 34:19). Kom u walablom ejtal i tametnál an dhukʼeltaláb. Ani jeye i tametnál an dhukʼeltaláb kʼal an tumín, an atʼaxtaláb ani kʼeˈet xanéy. Tam ki watʼnaˈ xowaˈ xi yab alwaˈ, awich ki achʼaˈ más tʼojláb ki tʼajaˈ xowaˈ jajáˈ in léˈ. Neˈech ki achʼaˈ tʼojláb ki tʼajaˈ xowaˈ tu kontsal. Por tam tatáˈ ka tʼajaˈ an chápláb abal ka tʼajaˈ ejtal xowaˈ jajáˈ in ulal, kʼwajat a tejwaˈmédhál abal a kʼanidhál tʼajat. Ani anchanˈ i xalkʼantsal abal u lujat kʼal jajáˈ. Ani jajáˈ tu xalkʼantsal abal lujat kʼal wawáˈ. Ani yab jaykʼi neˈech tu jilaˈ (ka ajay Salmo 4:3).
ABAL KI EXÓBNAˈ MÁS
Ki chuˈuw jantʼó ti jaˈich lej exbadh ki tʼajaˈ ti kwentaj na Jehová ani janéy neˈech tu tolmiy abal echʼekʼij ki tʼajaˈ xowaˈ xi lujat.
3.Jun i káw xi koˈol kin chuˈuw kʼal wawáˈ ti kwentaj
Ban tʼilab kʼal tin kwentaj na Job, na satanás in uluw jun i kʼambixtaláb, por yab jaˈich tokot kʼal tin kwentaj na Job, más alwaˈ kʼal ejtal xin léˈ kin tʼójontsi na Jehová. Ka ajaytsik Job 1:1 ani 1:6-2:10, ani ki tʼilmáchtsik kʼal tin kwentaj jechéˈ:
Kʼal xowaˈ in uluw na Satanás, ¿jantʼó ti na Job in tʼajál ti kwentaj na Jehová? (Ka chuˈutsik Job 1:9-11).
¿Kʼal jantʼokʼál tu walbiyal na Satanás? (Ka chuˈutsik Job 2:4).
Ka ajaytsik Job 27:5b ani ki tʼilmáchtsik kʼal tin kwentaj jechéˈ:
¿Janti in xalkʼaˈ na Job abal in kʼanidhálak tʼajat na Jehová?
Kom na Job kʼwajay lujat anchanˈ tin xalkʼaˈ abal in kʼanidhál na Jehová.
Kʼal ni lujattalábil i xalkʼál abal i kʼanidhál na Jehová.
4. Ka kulbédhantsi tin itsích na Jehová
Ka ajaytsik Proverbios 27:11 ani ki tʼilmáchtsik kʼal tin kwentaj jechéˈ:
¿Janti in achʼál na Jehová tam wawáˈ i tʼajál xowa jajáˈ in kulbetnál? ¿Ani jantʼó?
5. Tatáˈ a ejtowal ki kʼwajay lujat kʼal na Jehová
An kʼanidhomtaláb xi achʼál kʼal na Jehová in tʼajál ku káwin kʼal tin kwentaj jajáˈ kʼal kʼeˈet i atikláb. Ani kom i léˈ ku kʼwajay lujat kʼal jajáˈ, jechéˈ tu tolmiyal ki tʼajaˈ aunque jaˈich jun i wéˈ tʼojláb. Ka chuˈutsik an VIDEO ani ki tʼilmáchtsik kʼal tin kwentaj jechéˈ:
¿A achʼál tʼojláb ki káwin kʼal tin kwentaj na Jehová kʼal kʼeˈet i atiklábtsik?
Kʼal xowaˈ i chuˈuw ban video, ¿janti ti tolmiyat na Grayson abal yab ka jikʼey lej watʼats?
I ejtowal ku kʼwajay lujat kʼal na Jehová tam ki kʼanidhaˈ xowaˈ jajáˈ in kʼanidhál ani ki pojkaˈ xowaˈ jajáˈ in pojkál. Ka ajaytsik Salmo 97:10 ani ki tʼilmáchtsik kʼal tin kwentaj jechéˈ:
Kʼal xowaˈ i exobnámich, ¿jowaˈ jaˈich juntsik xanéy xi na Jehová in kʼanidhál? ¿Ani juntsik xanéy xi jajáˈ in pojkál?
¿Janti a ejtowal ka kʼanidhaˈ xowaˈ alwaˈ ani ka pojkaˈ xowaˈ yab alwaˈ?
6. Ki tʼajaˈ xowaˈ na Jehová in kulbetnál neˈech tu tolmiy ba ni xeˈchintal
Ki tʼajaˈ xowaˈ na Jehová in kulbetnál neˈech tu tolmiy tʼajat. Ka ajaytsik Isaías 48:17, 18 ani ki tʼilmáchtsik kʼal tin kwentaj jechéˈ:
¿A belál abal na Jehová echʼekʼij in choˈób xowaˈ más alwaˈ abal wawáˈ? ¿Jantʼó?
¿Janti ti tolmiyámal an exobintaláb kʼal an Biblia ka exlaˈ na Jehová an Okʼoxláb xi tsubax?
XOWAˈ JUNTSIK IN ULAL: «An Okʼoxláb yab in tʼajál ti kwentaj xowaˈ ku tʼajaˈ»
¿Jantʼom texto a ejtowal ka éynaˈ abal ka xalkʼaˈ kej kʼal xowaˈ ki tʼajaˈ i ejtowal ki kulbédhaˈ na Jehová?
XOWAˈ I EXOBNÁMICH
Tatáˈ a xalkʼál abal a kʼanidhál na Jehová tam ka tʼajaˈ ti kwentaj ani ki kʼwajay lujat, aunque ka achʼaˈ tʼojláb ka tʼajaˈ.
Ki chalpay xowaˈ i exobnámal
¿Janéy ti okʼtsal kʼal xowaˈ in watʼnaˈ na Job?
¿Janti neˈech ka xalkʼaˈ abal a kʼanidhál na Jehová?
¿Janéy neˈech ti tolmiy abal ki kʼwajay lujat kʼal na Jehová?
KA EXLAˈ JUN XATAˈ MÁS
Ka exlaˈ janti a ejtowal ki kʼwajay lujat kʼal na Jehová ani kʼal an kidhábtsik ban junkuntaláb.
«Kʼal jun xitaˈ lujat tatáˈ neˈech ka tʼajaˈ xowaˈ lujat» (16:49)
Ka exlaˈ más i kʼambixtalábtsik xin uluw na Satanás.
«Na Job in tʼajaˈ xowaˈ lujat» (La Biblia y su mensaje, sección 6)
Ka chuˈuw kej hasta an chakamtsik in ejtowal kin xalkʼaˈ abal in kʼanidhál na Jehová.
¿Janti in ejtowal ka kʼwajay lujat an kwitóltsik kʼal an Okʼoxláb tam ka taktamiyat kʼal in juniktsik?