AJUMTALÁB 53
Ka kulbédhaˈ na Jehová kʼal xowaˈ a takwyal ki kʼijidhmé
Na Jehová jaˈich an «Okʼoxláb xi u kulbél tʼajat» (1 Timoteo 1:11, TNM). Jajáˈ in léˈ abal ku kʼwajay kulbél ti ejattal. In kulbetnál abal ki jolkʼaˈ i kʼij abal ku koyóch ani ku kʼijidhbé. Ba jechéˈ i exobintaláb neˈech ki exóbnaˈ janti i ejtowal ku kʼijidhbé ani anchanáˈ ki kulbédhaˈ na Jehová.
1. ¿Janéy koˈol ki kóˈoy ti kwentaj tam neˈech ki takuy kʼal janéy neˈech ku kʼijidhbé?
¿Janéy a kulbetnál ka tʼajaˈ tam i kʼwajat ta koyol? Juntsik in kulbetnál ka jilkʼon tin kʼimáˈ ti ajum, kʼeˈettsik in kulbetnál kin achʼaˈ jun i són, kin chuˈutsik i película o kin chuˈutsik xanéy waˈach ti internet. Waˈach jeye xin kulbetnáltsik ka kʼale ti belelél, ti kowal, o ti ubátʼ. Kʼal xowaˈkich xanéy ki takuy ku kʼijidhmé, ki tʼajaˈ ti kwentaj abal echʼekʼij ki tʼajaˈ «xowaˈ in léˈ an Ajátikláb» (Efesios 5:10). ¿Jantʼó ti jaˈich lej exbadh ki tʼajaˈ ti kwentaj jechéˈ? Kom an atiklábtsik in kulbetnál ka kʼijidhmé kʼal yan xataˈ xi na Jehová in pojkál, in kulbetnáltsik kin chuˈuw an péjéx iniktsik, an inmoralidad sexual ani an dhimantaláb (ka ajay Salmo 11:5). ¿Janéy neˈech tu tolmiy abal ki takuy alwaˈ kʼal janéy ku kʼijidhmé?
Max ki kóˈoy i jaˈúbtsik xin kʼanidhál na Jehová, neˈech tu tolmiy abal ki takuy alwaˈ kʼal xanéy ku kʼijidhmé. Anchanˈ xanti exóbnaˈ ban ajumtaláb 48, «xitaˈ xeˈech kʼal an atiklábtsik xi chalpadh neˈech ka chalpadhmé». Por xitaˈ xeˈech kʼal i atiklábtsik xi yab in kʼakʼnál in takʼixtal na Jehová neˈech kin kóˈoy «yan i kʼibataláb» (Proverbios 13:20).
2. ¿Jantʼó ti koˈol ki kóˈoy ti kwentaj jáy i kʼij i éynál abal ku kʼijidhbé?
Aunque yab u kʼwajat tu kʼijidhmél kʼal jun xataˈ xi yab walats, koˈol ki kóˈoy ti kwentaj jáy i kʼij i jolkʼantsal. ¿Jantʼókʼi? Kom max ki tʼojnakʼi tu kʼijidhmél yab neˈech ki tʼójontsi na Jehová xanti in tomnál. An Tʼokat Dhutslab tu takʼyal ki tʼajaˈ jechéˈ «ka éynaˈtsik alwaˈ an kʼij» (ka ajay Efesios 5:15, 16).
ABAL KI EXÓBNAˈ MÁS
Ki exóbnaˈ janéy a ejtowal ka tʼajaˈ abal ka takuy alwaˈ kʼal xanéy ki kʼijidhmé.
3. Ki pojkaˈ an kʼijidhmédhomtaláb xi yab alwaˈ
¿Jantʼó ti yan xowaˈ xi chuˈtal xoˈ ta kʼitsáj jayéchkʼi xowaˈ u watʼelak kʼal an péjéx iniktsik xi waˈachak ti Roma?
Kʼal xowaˈ i chuˈuw ban video, ¿janéy in exóbnaˈ na Danny abal janti koˈol ka kʼijidhbé?
Ka ajaytsik Romanos 12:9 ani ki tʼilmáchtsik kʼal tin kwentaj jechéˈ:
¿Janti tu tolmiyal jechéˈ i pejats kʼal an Biblia abal ki choˈóbnaˈ janti koˈol ku kʼijidhbé?
¿Janéy jaˈich xowaˈ na Jehová in atʼál? Ka ajaytsik Proverbios 6:16, 17 ani Gálatas 5:19-21. Ka ajaytsik ti juntsik ani ki tʼilmáchtsik kʼal tin kwentaj jechéˈ:
Kʼal xowaˈ in ulal ba jechéˈ i pejats, ¿janéy in takwyal yan i atiklábtsik abal ka kʼijidhbé?
Janti ki takuy alwaˈ kʼal xanéy ku kʼijidhbé
Ka konoy tabáˈ:
¿Janéy jaˈich jechéˈ? ¿Koˈol kin chuˈuw kʼal xowaˈ na Jehová in pojkál?
¿Joykʼi? ¿Koˈol ku jilaˈ ku tʼajaˈ jun xataˈ xi más exbadh?
¿Kʼal jitaˈ? ¿Koˈol kin kʼwajay kʼal i atiklábtsik xi yab in kʼanidhál na Jehová?
Abal yab ki watʼnaˈ jun i yajtsiktaláb, koˈol ku ówmé kʼal xowaˈ kʼakʼadh. Anchanáˈ jeye yab koˈol ku kʼijidhbé kʼal xowaˈ neˈech tu waltsi.
4. Ki éynaˈ alwaˈ an kʼij
Aunque an kidhábláb xi kale ban video yab kʼwajatak in tʼajál jun xataˈ walats, ¿por janti ti kʼwajatak in kʼibdhál an kʼij?
Ka ajaytsik Filipenses 1:10 ani ki tʼilmáchtsik kʼal tin kwentaj jechéˈ:
¿Janti tu tolmiyal jechéˈ i chakam pejats abal ki choˈóbnaˈ jáy i kʼij neˈech ki jolkʼaˈ abal ku kʼijidhmé?
5. Ka takuy i kʼijidhmédhomtalábtsik xi alwaˈ
Na Jehová in pojkál juntsik i kʼijidhmédhomtalábtsik, por aníl jeye waˈach yan xanéy xi jajáˈ in kulbetnál ani xi wawáˈ i ejtowal ki kulbétnaˈ. Ka ajaytsik Eclesiastés 8:15 ani Filipenses 4:8, ani ki tʼilmáchtsik kʼal tin kwentaj jechéˈ:
¿Kʼal janéy a kulbetnál ki kʼijidhbé?
I ejtowal ku kʼijidhbé ani ku kʼwajay kulbél kʼal xowaˈ na Jehová in kulbetnál.
XOWAˈ JUNTSIK IN ULAL: «Yab walats kin kʼijidhmé kʼal jun xataˈ xin koˈol kin chuˈuw kʼal i dhimantaláb, inmoralidad sexual ani péjextaláb. ¡Max nanáˈ yab kʼwajat u tʼajál!».
¿Janéy a chalpayal tatáˈ?
XOWAˈ I EXOBNÁMICH
Na Jehová in léˈ ku kʼwajay kulbél ani ki takuy i kʼijidhmédhaxtalábtsik xi alwaˈ.
Ki chalpayal xowaˈ i exobnámal
¿Jantʼom kʼijidhmédhaxtalábtsik i pojkál?
¿Jantʼó ti koˈol ki kóˈoy ti kwentaj jáy i kʼij i jolkʼál abal ku kʼijidhbé?
¿A léˈ ka takuy i kʼijidhmédhaxtalábtsik xin kulbetnál na Jehová? ¿Jantʼókʼi?
KA EXLAˈ JUN XATAˈ MÁS
Ka exóbnaˈ jitaˈ in tomnál kin takuy kʼal xanti koˈol ku kʼijidhbé.
Ka ajay janéy a ejtowal ka tʼajaˈ abal ka takuy jun i kʼijidhmédhaxtaláb alwaˈ.
«¿U kʼijidhbél anchanˈ xanti in kulbetnál na Jehová?» (La Atalaya, 15 de octubre de 2011)
Ka ajay kʼal janéy ti tolmiyat jun i inik kin jilaˈ kin tʼajaˈ xowaˈ yab alwaˈ ban biografía, «U kʼanidhál ejtal an atiklábtsik».
Ka chuˈuw janéy in tʼajaˈ jun i mímláb tam tin tʼajaˈ ti kwentaj abal neˈechak kin chuˈuw jun i película xin koˈol i dhimantaláb.
Ki pojkaˈ an kʼijidhmédhaxtalábtsik xin koˈol i dhimantaláb (1:59)