¿Janéy i yejentsal ki tʼajaˈ abal ki kulbédhaˈ an Okʼoxláb?

Yab ka tʼajaˈ xowaˈ yab alwaˈ (1 Corintios 6:9, 10)

Max tsubax i kʼanidhál na Jehová, yab neˈech ki tʼajaˈ xowaˈ yab in kulbetnál.

Na Jehová yab in léˈ ku kwéˈlách, ku uchʼách nibal ki eynaˈ i drogas.

Xoˈ ta kʼitsáj an atiklábtsik u chemdháx, an mimlábtsik in petʼnál nin chakamil, an iniktsik u junkunal kʼal in at inik ani an uxumtsik kʼal in at uxum, u pejéxtsik ani in léˈnál tʼajat an tumín, ejtal jechéˈ an Okʼoxláb yab in kulbetnál.

Yab koˈol ki kʼakʼnaˈ an chʼilabtsik nibal ki eynaˈ an dhimantaláb.

Xitaˈ kin tʼajaˈ xowaˈ an Okʼoxláb yab in kulbetnál, yab neˈech ka kʼwajay ban Alabél Chabál.

Ka tʼajaˈ xowaˈ alwaˈ (Mateo 7:12)

Abal ki kulbédhaˈ an Okʼoxláb yejat ki chʼilbay xowaˈ Jajáˈ in tʼajál.

Ka tʼajaˈ ta alwaˈ inik ani ka chʼéwalixnaˈ xowaˈ alwaˈ. Anchanˈ a tejwaˈmedhál abal i kʼánidhax.

Ka tʼajaˈ xowaˈ xi tsubtalkʼi.

Ka pakwlantsi xi kʼeˈettsik.

Ka óltsi an atiklábtsik kʼal tin kwentaj an Okʼoxláb (Romanos 10:13-15).