¿In k’wajatich tojojodh?
¿In k’wajatich t’ojojodh abal kin kale tin óltsix k’al an junkuntaláb?
Tatáˈ neˈech ka ejtowich ta publicador xi yabél pujadh max...
... a ujnám ka exóbnaˈ an T’okat Dhutslab, ka t’ajaˈ i oláb ani ki k’ale ban junkuntalábtsik.
... a belál ani a k’ak’nál xowaˈ k’wajat a exóbnál, ani a léˈ ka t’iltsi xi k’eˈet.
... a k’anidhál na Jehová ani a t’ajál ta jaˈúbtsik xitaˈ jeye in k’anidhál.
... yabich a tolmiyal ni jun i tak’ix, nibal ni jun i belomtaláb xi yab tsubax.
... a t’ajál ta xeˈchintal xowaˈ an Ok’oxláb in kulbetnál ani a léˈ ka t’ajaˈ ta óltsix k’al a Jehová.
Max a chalpayal abal i k’wajatich t’ojojodh abal ki kale ta óltsix k’al an junkuntaláb, an kidhábláb xi ti ok’tsal neˈech kin t’iltsi an ok’nomtsik ani jajáˈtsik neˈech ka t’ilmách k’al tatáˈ abal kin chuˈuw max a ejtowalich ki kale.
¿In k’wajatich t’ojojodh abal kin pujan?
Tatáˈ neˈech ka ejtowich ki pujan max...
... jayk’ich i publicador.
... a chápnantsal ki kale ka ólnaˈ an alwaˈ t’ilab.
... a t’ajál ti kwentaj ani a tolmiyal an «t’ojontsix xi lujat ani chalpadh» (Mateo 24:45-47).
... a t’ajtsámalich jun i oláb na Jehová abal ka utsaˈ a pidhál ta ejattal abal ka t’ojontsi abal ech’ek’ij.
Max a chalpayal abal i t’ojojodhich abal ki pujan, an kidhábláb xi ti ok’tsal neˈech kin t’iltsi an ok’nomtsik, ani jajáˈtsik neˈech ka t’ilmách k’al tatáˈ abal kin chuˈuw max a ejtowalich ki pujan.