AJUMTALÁB 20

¿Janti kʼwajat ti tʼojnal an junkuntaláb?

Edición impresa

Na Jehová in kulbetnál ka tʼajan ejtal xanti in tomnál (1 Korintios 14:33). Jaxtám na Jehová in léˈ abal nin bitsówil ka tʼojontsik alwaˈ. ¿Janti kʼwajat ti tʼojnaltsik an junkuntaláb kʼal nin aykóliltsik na Kristo? ¿Janéy i ejtowal ki tʼajaˈ abal ejtal ka kale alwaˈ?

1. ¿Jitaˈ kʼwajat ti okʼlek ba nin bitsówil na Jehová?

«Na Kristo kʼwajat jelti nin ókʼ an belomtsik» (Efesios 5:23). Anchanáˈ, na Jesukristo jaˈich xi in chuˈtal an tʼojláb xin tʼajál nin bitsówil na Jehová tin pubíl an Chabál. Na Jesús in bijyámal «an tʼojontsix xi lujat ani chalpadh»: jun kweneˈ i okʼnomtsik xin neˈdhálich i kʼij in tʼojonsal na Jehová, jeché i kidháblábtsik u exláb jeye jelti an Kweneˈ i Okʼlektsik (ka ajay Mateo 24:45-47). Anchanˈ xanti in tʼajálak ti wejeˈ ban okʼox i siglo an apóstoles ani an okʼnomtsik ti Jerusalén, xoˈ jeye an Kweneˈ i Okʼlektsik in beletnál an junkuntalábtsik xi waˈach tin pubél an Chabál (Hechos 15:2). Por jechéˈ i kidháblábtsik yab jaˈich an okʼlektsik ba nin bitsówil na Jehová. Jajáˈtsik in aliyal an tolmixtaláb kʼal na Jehová ani ban Biblia abal kin choˈóbnaˈ janéy kin tʼajaˈ ani in tʼajáltsik ti kwentaj na Jesús.

2. ¿Jantʼom tʼojláb in tʼajál an okʼnomtsik?

An okʼnomtsik jaˈich i kidháblábtsik ban junkuntaláb xin neˈdhálich i kʼij in tʼojontsal na Jehová, jajáˈtsik in beletnál ani in okʼtsal an junkuntaláb kʼal an Biblia ani in tolmiyaltsik abal ka kʼwajay kʼijidh. An kidháblábtsik okʼnom, yab in aytsal ka jalbiyat. Más alwaˈ in pidhnáltsik i tolmixtaláb «kʼal yantam i kulbétaláb jelt xan ti na Dios in léˈ»; yab in tʼajáltsik kʼal i chápláb nibal abal in léˈtsik kin átaˈ i tumín in tʼajáltsik jechéˈ «kʼal yantam i kulbétaláb» (1 Pedro 5:1, 2). An okʼnomtsik u tolmiyáb kʼal an tolmix okʼnomtsik, jechéˈ i kidháblábtsik kʼal an kʼij in ejtowal jeye ka bijyat abal ka tʼojontsik ti okʼnom.

An Kweneˈ i Okʼlektsik in takwyal an kidháblábtsik abal ka tʼojontsik jelti okʼnomtsik ti circuito. Jechéˈ i kidháblábtsik in álnál an junkuntalábtsik abal kin tolmiy ani kin chapikmédhantsi tin belomtal an kidháblábtsik. Ani in éynál an Biblia abal kin choˈóbnaˈtsik max in ejtowal kin bijiy i okʼnomtsik o i tolmix okʼnomtsik (1 Timoteo 3:1-10, 12; Tito 1:5-9).

3. ¿Jantʼom tʼojláb in tʼajál an óltsixtsik kʼal a Jehová?

Ejtal an óltsixtsik kʼal a Jehová ban junkuntaláb in kʼakʼnantsal «tin bij na Jehová» ani in tʼajáltsik tam u kʼalel ban junkuntaláb, tam in pidhnál jun i tokʼoxtaláb o tam in watʼbáltsik jun i tejwaˈmédhomtaláb, ani jeye in kʼakʼnantsaltsik tin bij an Okʼoxláb tam u óltsixtsik ejtal xanti kin ejtotsik (ka ajay Salmo 148:12, 13).

ABAL KI EXÓBNAˈ MÁS

Techéˈ neˈech ki exóbnaˈ janti jaˈich na Jesús, ani janti an okʼnomtsik in chápnantsaltsik kin chʼilbay, ani jeye neˈech ki exóbnaˈ xowaˈ i ejtowal ki tʼajaˈ abal ki tʼajaˈ ti kwentaj na Jesús ani ki tolmiy an okʼnomtsik.

4. Na Jesús jaˈich jun i okʼlek xi tu kʼijidhmédhál

Na Jesús tu tʼajtsal jun i alabél kanixtaláb. Ka ajaytsik Mateo 11:28-30 ani ki tʼilmáchtsik kʼal tin kwentaj jechéˈ:

¿Jantʼom okʼlek jaˈich na Jesús? ¿Ani janti in léˈ ki achʼaˈ?

¿Janéy in tʼajál an okʼnomtsik abal kin chʼilbay na Jesús? Ka chuˈutsik an VIDEO.An Biblia in ulal janti koˈol kinˈ tʼajaˈ nin tʼojlábil an okʼnomtsik.

VIDEO: An tolmixtaláb xin pidhnaˈ an okʼnomtsik tam ti watʼey an terremoto ti Nepal (4:56)

An Biblia in ulal janti koˈol kinˈ tʼajaˈ nin tʼojlábil an okʼnomtsik.

Ka ajaytsik Isaías 32:2 ani 1 Pedro 5:1-3, ani ki tʼilmáchtsik kʼal tin kwentaj jechéˈ:

Na Jesús in kʼijidhmédhálak an atiklábtsik. ¿Janéy a achʼál kom an okʼnomtsik in chápnantsaltsik kin tʼajaˈ anchanˈ jelti na Jesús?
¿Janéy más in tʼajál an okʼnomtsik abal kin chʼilbay na Jesús?

5. An okʼnomtsik in tʼajáltsik xowaˈ in ólnál

¿Janéy in léˈ na Jesús abal an okʼnomtsik ban junkuntaláb kin chalpay kʼal tin kwentaj nin tʼojlábil? Ka chuˈutsik an VIDEO.

VIDEO: An okʼnomtsik kʼwajat tʼojojodh abal kin tʼajaˈtsik an tʼojláb (7:39)

Na Jesús in uluw janti koˈol kin tʼajaˈ an okʼnomtsik abal kin beletnaˈ an junkuntaláb. Ka ajaytsik Mateo 23:8-12 ani ki tʼilmáchtsik kʼal tin kwentaj jechéˈ:

¿Janti in ulal an Biblia abal koˈol kin tʼajaˈ an okʼnomtsik? ¿A chalpayal abal an paleˈtsik ani kʼeˈet i okʼlek belomtsik in tʼajál anchanáˈ?

A. Chʼilab xonti jun i okʼnom kʼwajat in likedhál nin belomtal ani in tolmiyal nin yanél kin tʼajaˈ jayéchkʼi: 1. In tʼajál i oláb okʼox ti ka tujey kin ajay an Biblia. 2. Junax kʼal nin kʼimádhil in okʼtsal nin chakam tsidhánil tin kwentaj an Biblia.

B. Jayéchkʼi an okʼnom ani nin kʼimádhil, in álnál ban hospital jun i kidháb mímláb xi u yaˈul.

An okʼnomtsik in chapikmédháltsik nin belomtal ani in tolmiyaltsik nin yaníl abal ka kʼwajaytsik chapiktsik jeye.
An okʼnomtsik in kʼanidhál ani in tʼajál ti kwentaj ejtal an kidháblábtsik ban junkuntaláb.
An okʼnomtsik in chápnantsal abal kin ólnaˈ an alwaˈ káw.
An okʼnomtsik u okʼtsix, ani u tolmixtsik abal ka tʼokedhá an atáj junkuntaláb ani jeye in tʼajál kʼeˈet i tʼojlábtsik.

6. I tolmiyal an okʼnomtsik

An Biblia tu okʼtsal jantʼókʼi ti koˈol ki tolmiy an okʼnomtsik. Ka ajaytsik Hebreos 13:17 ani ki tʼilmáchtsik kʼal tin kwentaj jechéˈ:

¿Jantʼó tin ulal an Biblia abal koˈol ki tʼajaˈ ti kwentaj an okʼnomtsik? ¿A chalpayal abal alwaˈ ka tʼajaˈ anchanˈ ? ¿Jantʼókʼi?

Ka ajaytsik Lukas 16:10 ani ki tʼilmáchtsik kʼal tin kwentaj jechéˈ:

¿Jantʼókʼi ti jaˈich lej exbadh ki tolmiy an okʼnomtsik aunque xowaˈ tu kontsal ki tʼajaˈ yab jaˈich jun xataˈ xi lej watʼats púlek?

XOWAˈ JUNTSIK IN ULAL: «Yab u yejentsal kin junkun kʼal kʼeˈet i atiklábtsik abal ku kʼakʼnaˈ an Okʼoxláb».

¿Jantʼom alwaˈtalábtsik waˈach ki kʼakʼnaˈ an Okʼoxláb ba jun i junkuntaláb?

XOWAˈ I EXOBNÁMICH

Na Jesús jaˈich xu takʼix ban junkuntaláb. Ani an okʼnomtsik ban junkuntaláb in jilál ka takʼiyat kʼal na Jesús, ani wawáˈ i tolmiyal an okʼnomtsik kʼal yan i kulbétaláb, kom jajáˈtsik tu beletnál ani tu okʼtsal.