Job

6 Now, da day wen come wen da ones dat live wit God wen go in fo take dea place in front Jehovah, an Satan go in wit dem. 7 Jehovah tell Satan, “Wea you wen come from?” Satan tell Jehovah, “I stay go all ova da earth, hea an dea.” 8 An Jehovah tell Satan, “Wat, you had check out my guy Job? Nobody stay like him. He strait up an nobody can poin finga at him. He sked fo do tings fo make God huhu an he stay far away from bad kine stuff.” 9 Den Satan tell Jehovah, “Az fo notting Job worry bout wat God tink? 10 You wen put one fence aroun him an eryting he get, you wen bless an malama him an eryting he do an give him plenny animals all ova his aina. 11 But, try take um all away an he going talk pilau to yoa face!” 12 Den Jehovah tell Satan, “Go den! Do wat you like wit all his stuffs. But you no can make him mahke!” Den Satan had go away from Jehovah.