1 Fo Da Corint Peopo

17 Cuz Christ wen sen me, not ony fo baptize, but fo tell da good kine stuff. An not fo talk smart kine, so dat Christ’s pos fo suffa no goin be poho. 21 Since da peopo of dis world trus dea own smarts, dey donno God. Wat we preach iz someting stupid to oddas, but cuz a dis message, God wen save da guys dat believe um. Dass how God show how akamai he stay. 22 Da Jew guys, fo believe dey gotta see wit dea eye, an da Greek peopo dey ony like hea someting real smart, 23 but us guys preach dat Christ wen get killed on da pos, da Jews no like hea dat, an da peopo dass not Jew guys tink dat we stay stupid!