Wat Jesus Show John

6 Den da wahine run to da boonies, to one place dat God wen make ready fo her, an somebody feed her fo 1,260 days. 9 Da big Dragon get throw outa heaven. Dass da old snake, dey call um da Devil an Satan, who bulai all da peopo inside da world. Him an his angel messenga guys get throw down on top da earth. 10 Den I wen hear one loud voice in heaven tell, “Cuz now da time stay hea fo get save, da powa an govament of oua God, an fo his Christ get da right fo rule, cuz da one who wen poin finga oua braddahs wen get throw down, da one who poin finga dem all day an night in front God!”